قومی اردو شکشک کرمچاری سنگھ-بھارت کی جانب سے مالیگاؤں کے چار اساتذہ کو نیشنل بیسٹ ٹیچر ایوارڈ تفویض کیا جائے گا.
امتیاز رفیق سر ( نائب صدر-مہاراشٹر)
قومی اُردوشکشک کرمچاری سنگھ بھارت کی جانب سے چوتھے قومی کنونیشن کے موقع سے تعلیم کے فروغ اور نئی نسلوں کی تربیت کیلئے مرکزی و ریاستی حکومتوں کی جانب سے متعین شدہ ضوابط، اسکیموں اور سرگرمیوں میں اپنا بہترین کردار ادا کرنے والے اساتذہ کرام کو ’’نیشنل بیسٹ ٹیچر ایوارڈ‘‘ تفویض کیے جائیں گے۔ اس اعزاز کیلئے ملک کی 20سے زائد ریاستوں سے اساتذہ کو منتخب کیاگیا ہے جس کی ذمہ داری ریاستی مجلس عاملہ کو دی گئی ۔ریاست مہاراشٹر سے ریاستی صدر جناب عابد خان حمید خان کی سربراہی اور قومی نائب صدر جناب سید مہتاب ابراہیم صاحب اور ریاستی نائب صدر امتیاز رفیق سر (مالیگاؤں) کی نگرانی میں مہاراشٹر کے جنرل سیکریٹی جناب زین العابدین صاحب، خازن جناب ممتاز ہاشمی صاحب اور خاتون صدر محترمہ سید کنیز فاطمہ کی ٹیم نے مہاراشٹر کے 19؍اضلاع سے تقریباً سو معلم ومعلمات کو منتخب کیا اور مرکز تک راست نامزدگی کیلئے گئے ناموں میں سے قومی صدر جناب چودھری واصل علی گرجر صاحب نے بعض اساتذہ کو نامزد کیا اس طرح جملہ 45؍اساتذہ کو مہاراشٹر سے ’’نیشنل اردو ٹیچر ایوارڈ‘‘ تفویض کیے جائیں گے۔ جن میں شہر مالیگاؤں سے مالیگاؤں کارپوریشن کی اسکول نمبر 90 سے ثمینہ کوثر سید جمشید صاحبہ اور اسکول نمبر 58 سے انصاری سلمہ بانو خورشید احمد صاحبہ ان دو معلمات کا انتخاب ہوا ہے اسی کے ساتھ ساتھ ATT ہائی اسکول سے انصاری زاہد اختر خورشید احمد اور مالیگاؤں ہائی اسکول سے عتیقی عامر حسین مسعود احمد سر کا انتخاب کیا گیاہے واضح رہے کہ ان اساتذہ کا انتخاب مجلس عاملہ کے اراکین و طریقہ انتخاب (نومینیشن) کی بنیاد پر ہوا ہے علاوہ ازیں ریاست مہاراشٹر کے دیگر اضلاع سے بھی اساتذہ شامل ہیں.
’’نیشنل اُردو ٹیچر ایوارڈ‘‘ کی تقسیم 3 ؍نومبر 2024 بروز اتوار بمقام غالب اکیڈمی نزد درگاہ نظام الدین نئی دہلی میں عمل میں آئےگی۔ تمام ہی منتخب اساتذہ کو قومی صدر جناب چودھری واصل علی گرجر صاحب اور تمام مرکزی مجلس عاملہ نیز مہاراشٹر کی مجلس عاملہ کی جانب سے ڈھیر ساری مبارکباد پیش کی جاتی ہے۔
کوئی تبصرے نہیں:
ایک تبصرہ شائع کریں