ائمہ مساجد اورمقررین سے گزارش
خطاب جمعہ کے نظام کومستحکم بنانے اور اس کی افادیت کے دائرہ کار کووسیع کرنے نیز ائمہ مساجد اور مقررین کے لیے خطاب جمعہ کی تیاری میں سہولت پیدا کرنے کے مقصد سے گلشن خطابت کے عنوان سے ایک پلیٹ فارم ۲۰۲۰ء سے قائم ہے ،جس میں شہرمالیگائوں کے ڈیڑھ سو اور ملک بھر کے چھ سو سے زائدمقررین اور ائمہ مساجد شامل ہیں ،الحمدللہ گلشن خطابت کاکارواں اکابر علماء کرام کی سرپرستی میں آگے بڑھ رہا ہے، اب تک ایک سوچورانوے(۱۹۴)ہفتوں میں شہر و بیرون شہر کی مساجدمیں سو سے زائد اہم اور سلگتے ہوئے عنوانات پر مشترکہ خطاب کیا جاچکاہے ۔ مشترکہ خطاب جمعہ کی اس مفید کوشش کو مزید مستحکم کرنے اور اس کے دائرہ کار کو وسعت دینے کے سلسلے میں ائمہ مساجد و مقررین کی ایک ترغیبی و تربیتی نشست مورخہ یکم اگست بروزجمعرات بعدنماز عشاءفوراً مسجد عمر ابن خطاب (بڑا قبرستان)میں رکھی گئی ہے ،جس میں مدرسہ سراج العلوم دھولیہ کے شیخ الحدیث حضرت مولانا مختار سعید مدنی صاحب دامت برکاتہم کا ’’خطاب جمعہ کی اہمیت وضرورت اور ہماری ذمہ داریاں‘‘کے موضوع پر خصوصی خطاب ہوگا۔یہ پروگرام حضرت مولانا محمد ادریس عقیل ملی قاسمی صاحب کی سرپرستی اورحضرت مولانا مفتی محمد اسماعیل قاسمی صاحب کی صدارت میں منعقد ہوگا۔
تمام ہی ائمہ مساجد سے گزارش ہے کہ اس اہم پروگرام میں ضرور شرکت کریں ۔پروگرام کا دعوت نامہ ائمہ تک پہنچانے کی کوشش جاری ہے،جن حضرات تک دعوت نامہ نہ پہنچ سکے وہ اسی مراسلے کو دعوت نامہ خیال کر کے پروگرام میں تشریف لائیں ۔
الداعی: انتظامی کمیٹی برائے گلشن خطابت گروپ ،مالیگاؤں
کوئی تبصرے نہیں:
ایک تبصرہ شائع کریں