جی این آر ایف کی" سیو نیچر" مہم ١ تا ١٠ جولائی شجرکاری سے شرکت کی اپیل۔
جلگاؤں (عقیل خان بیاولی) انسانی کی بقاء کے لئے جس طرح متوازن و پرتوانا غذاکی ضرورت ہوتی ہے اسی طرح صاف ستھری و پاکیزہ ہواکی اہمیت سے کسی کوانکارنہیں ۔لیکن بڑھتی گلوبل وارمنگ اور فضائی آلودگی کی وجہ سے آب وہوا بھی کافی حد تک متاثر ہوچکی ہے۔ امسال گرمی نے جوشدت اختیارکی اس سے قبل محسوس نہیں کی گئی مسقبل قریب میں یہ مسلہ مزید سنگین ہوسکتا ہے اگر ہم نے قدرتی وسائل درخت کا سہارا نہیں لیا درخت کاکثرت سے ہونا نہایت ضروری ہے ایک تحقیق کے مطابق ایک درخت کم سے کم 4 درجہ حرارت کوکم کرسکتا ہے اورسال بھرمیں تقریبا 20 کلوفضائی آلودگی کواپنے اندر جذب کرتا ہے ۔انہیں مقاصدحسنہ کے تحت عاشقان رسول کی دینی تحریک دعوت اسلامی ہند کے فلاحی شعبے جی این آر ایف( غریب نواز ریلف فاؤنڈیشن )نے قومی سطح پرمیں 1جولائی 2024سے 10 جولائی 2024 کے درمیان شجرکاری مہم کے تحت کثیرتعدادمیں پودے لگاکردرخت بنانے کا عزم کیا ۔اس مہم کوکامیاب بنانے کے لئےدعوت اسلامی ہند کے مجلس مشاورت کے نگران رکن شوری سید عارف علی عطاری نےدینی مدرسہ الجامعۃ الاشرفیہ مبارکپور کے احاطے میں شجرکاری کرنے کے ساتھ ویڈیو پیغام کے ذریعے برادران وطن سے اس شجرکاری مہم کوکامیاب بنانے کی اپیل کی ہے ۔ساتھ ہی جی این آر ایف کے کارکنان "سیو نیچر " عنوان سے کالیجیز، اسکول، دینی مدارس اور مختلف مذہبی مقامات پر پروگرام کرکے لوگوں سے اس شجرکاری مہم میں حصہ لینے کی اپیل کررہی ہے ۔یونہی سوشل میڈیا اور پرنٹ میڈیا کے ذریعے اس پیغام کو زیادہ سے زیادہ عام کرکے عوام میں بیداری لانے کی کوشش کی جارہی ہے ۔دعوت اسلامی ہند کا میڈیا ڈپارٹمنٹ آپ سے پرخلوص اپیل کرتا ہے کہ آپ بھی اس مہم میں جی این آر ایف کا ہر طرح سے تعاون کریں اور نیچر کو بچائیں۔
کوئی تبصرے نہیں:
ایک تبصرہ شائع کریں