سروس روڈ کی تعمیر میں بھی پی ڈبلیو ڈی کا اقلیتی طبقہ کے ساتھ متصعبانہ رویہ۔ سنگین تحریک کا دیا نوٹس
جلگاؤں ( عقیل خان بیاولی) حال ہی میں شہر میں پبلک ورکس ڈپارٹمنٹ (پی ڈبلیو ڈی) نے ہائی وے کی دونوں جانب سروس روڈز کے لیے مرکزی فنڈ سے 19 کروڑ روپے خرچ کرنے کی منظوری دی ہے۔ اس دو طرفہ متوازی سڑک میں کل ساڑھے پانچ کلومیٹر سڑک کا کام کیا جانا ہے جس میں 2100 میٹر سیمنٹ کنکریٹ اور 3500 میٹر تال کول کام شامل ہے۔
ریلائنس پٹرول پمپ سے اجنتا چوک تک کی سڑک کو کل ساڑھے سات کلومیٹر کی اس متوازی سڑک سے باہر رکھا گیا ہے۔
مانراج پارک سے گجرال پیٹرول پمپ، اجنتا چوک سے کالیکا ماتا مندر اور گورنمنٹ انجینئرنگ کالج سے ریلائنس پٹرول پمپ تک دو طرفہ متوازی سڑکوں کے لیے 19 کروڑ روپے فراہم کیے گئے ہیں۔
ریلائنس پیٹرول پمپ سے اجنتا چوک تک دو طرفہ سڑک جس میں اسکول، مساجد اور مدارس سمیت بہت سے رہائشی علاقے ہیں
ریلائنس پیٹرول پمپ سے اجنتا چوک تک دو طرفہ متوازی سڑک کے دونوں طرف ایک بڑی بستی ہے جو بنیادی طور پر حاجی احمد نگر، سالار نگر، قاسم واڑی، معصوم واڑی، قیوم نگر، ملک نگر، اقبال کالونی، اقصی نگر،ملت ہائی اسکول، اقراء ہائی اسکول، کارپوریشن اردو سیکنڈری اسکول، کارپوریشن اردو اسکول 36 اور 56، تقریباً 12 مساجد، دو بڑے مدارس اور یہ علاقہ مسلم اکثریتی علاقہ کے طور پر جانا جاتا ہے اس علاقے میں بڑی تعداد میں سڑک حادثات واقع ہوچکے ہیں۔
جمہوری طریقے سے پرتشدد احتجاج کا نوٹس
جلگاؤں ضلع منیار برادری کے صدر فاروق شیخ کی قیادت میں نیشنلسٹ کانگریس اقلیتی سیل کے صدر مظہر پٹھان، پرہار سنگھٹن میٹروپولیٹن صدر یوسف خان، صیقلگر فاؤنڈیشن کے صدر انور خان، امداد فاؤنڈیشن کے صدر متین پٹیل، سماجی کارکن انیس شاہ اور ساجد سلمانی نے سپرنٹنڈنٹ انجینئر کے دفتر میں سپرنٹنڈنٹ وجے چودھری سے ملاقات کی اور انہیں ایک تحریری شکایت پیش کی اور کہا کہ ریلائنس پٹرول پمپ سے اجنتا چوک تک جو متوازی سڑک ہے اسے نکال لیا گیا ہے اور فنڈز فراہم نہیں کئے گئے ہیں، اس لئے آپ حکومت سے درخواست کریں۔ اور یہ کام بھی شروع کردیں ورنہ دوسرے کاموں میں خلل ڈالیں گے۔ اس دوران امن و امان کا کوئی مسئلہ پیدا ہونے کی صورت میں سپرنٹنڈنٹ انجینئر، ایگزیکٹیو انجینئر محکمہ تعمیرات عامہ مکمل طور پر ذمہ دار ہوں گے۔ اس درخواست کی ایک کاپی ضلع کلکٹر جلگاؤں کو بھی دی گئی ہے۔
کوئی تبصرے نہیں:
ایک تبصرہ شائع کریں