آسٹریلیا میں حادثے کے شکار امریکی طیارے سے تین لاشیں برآمد
کینبر 1، 28 اگست (یو این آئی) آسٹریلیا کے شمالی ساحل پر گر کر تباہ ہونے والے امریکی ہوائی جہاز کے ملبے سے امریکی بحریہ کے تین اہلکاروں کی لاشیں برآمد ہوئی ہیں اور تلاش کا مشن جاری ہے۔ یہ ہوائی جہاز اتوار کے روز آسٹریلیا کے شمالی ساحل پر معمول کی فوجی تربیتی مشق کے دوران گر کر تباہ ہوگیا۔ امریکی طیارہ آسپرے ایم وی-22 میں 23 اہلکار سوار تھے۔
اتوار کی دیر شب ڈارون میں میرین روٹیشنل فورس نے تین بحری اہلکاروں کی موت اور دیگر افراد 20 کے زخمی ہونے کی تصدیق کی ہے، جن میں سے پانچ کو علاج کے لیے رائل ڈارون اسپتال پہنچایا گیا ہے۔
پیر کے روز حادثے کے بارے میں اطلاع دیتے ہوئے، شمالی علاقہ کے پولیس کمشنر مائیکل مورفی نے ریڈیو پر بتایا کہ ہنگامی خدمات کے ذریعے تین امریکی بحری (اے بی سی) آسٹریلین براڈ کاسٹنگ کارپوریشن اہل کاروں کی لاشیں نکال لی گئی ہیں۔ انہوں نے کہا کہ ڈارون سے تقریباً 60 کلو میٹر شمال میں میلویل جزیرے کے علاقے سے لاشیں نکالنے کے لیے ریسکیو ٹیم نے رات بھر کام کیا۔ حادثے کی وجوہات کی تحقیقات کی جارہی ہیں۔ آسٹریلیا کے وزیر دفاع رچر ڈمارکس نے آج اے بی سی ٹی وی پر بتایا کہ حکومت نے مرنے والوں کے تئیں تعزیت کا اظہار کیا اور وہ کسی بھی طرح کی درکار مدد کی پیشکش کے لیے امریکی سفیر کیرولین کینیڈی سے رابطے میں ہے۔
کوئی تبصرے نہیں:
ایک تبصرہ شائع کریں