فیس نہ دینے پر طالب علم کو کلاس سے باہر بٹھا دیا گیا، اساتذہ کے خلاف مقدمہ درج
ممبئی کے ایک اسکول کے اساتذہ کے خلاف فیس کی عدم ادائیگی پر 12 سالہ لڑکے کو کلاس سے باہر بٹھانے کے الزام میں مقدمہ درج کیا گیا ہے۔
لڑکے کی ماں نے 11 اپریل کو شکایت درج کرائی، جس میں اسکول کے حکام پر اس کے 12 سالہ بڑے بیٹے اور چھوٹے بیٹے کو ہراساں کرنے کا الزام لگایا۔ شکایت میں کہا گیا ہے کہ گزشتہ چار ماہ سے آٹھویں جماعت میں پڑھنے والے اس کے بڑے بیٹے کو کلاس سے باہر بٹھایا جا رہا تھا کیونکہ وہ مالی مشکلات کے باعث 75 ہزار روپے سالانہ فیس ادا نہیں کر پا رہا تھا۔ پولیس کا کہنا ہے کہ 2 اساتذہ اور اسکول انتظامیہ کے خلاف مقدمہ درج کرکے تفتیش جاری ہے، فی الحال کیس میں کوئی گرفتاری عمل میں نہیں آئی ہے۔
کوئی تبصرے نہیں:
ایک تبصرہ شائع کریں