عتیق احمد اور اشرف کا گولی مار کر قتل، پریاگ راج میں پولیس اور کیمرے کے سامنے انجام دی گئی خونی واردات ۔
یوپی کے مافیا ڈان عتیق احمد اور اس کے بھائی اشرف کو پریاگ راج میں گولی مار کر ہلاک کر دیا گیا۔ تین حملہ آوروں نے کالوین ہسپتال کے قریب یہ حملہ کیا۔ صحافیوں کے بھیس میں حملہ آوروں نے عتیق احمد اور اشرف پر فائرنگ کی۔ جس کی وجہ سے دونوں کی موقع پر ہی موت ہو گئی۔ اس کے بعد پولیس نے حملہ آوروں کو موقعۂ واردات سے گرفتار کرلیا۔
مافیا عتیق احمد اور اشرف کو گولی مار کر ہلاک کر دیا گیا ہے۔ پولیس دونوں کو طبی معائنہ کے لیے پریاگ راج کے کولون اسپتال لے جا رہی تھی۔ اس دوران تین حملہ آوروں نے ان پر فائرنگ کر دی۔ اس حملے میں عتیق احمد اور اشرف جاں بحق ہو گئے ہیں۔ دونوں کی لاشیں میڈیکل کالج کے اندر رکھ دی گئی ہیں۔ اس موقع پر جئے شری رام کے نعرے ضرور سننے کو سنے گئے۔ پولیس معاملے کی تفتیش میں مصروف ہے۔
پولیس نے حملہ آوروں کو موقع سے پکڑ لیا ہے۔ یہ پوری واردات باقاعدہ میڈیا اور پولیس کے سامنے انجام دی گئی۔ جب دونوں پر فائرنگ ہوئی تو پوری وارادت بھی کیمرے میں قید ہو گئی۔ اس حملے میں ایک پولیس کانسٹیبل بھی زخمی ہوا ہے جس کا نام مان سنگھ ہے۔ اسے علاج کے لیے اسپتال لے جایا گیا ہے۔
ذرائع کی مانیں تو پلسر موٹر سائیکل پر سوار تین حملہ آور آئے جنہوں نے عتیق احمد اور اشرف کو گولی مار دی۔ موقع سے تین بندوقیں بھی برآمد ہوئی ہیں۔ موقع سے کارتوس بھی ملے ہیں۔ موٹر سائیکل سوار ملزمان میڈیا پرسن بن کر پہنچے تھے۔ موٹر سائیکل سے ایک کیمرہ اور ایک مائیک آئی ڈی بھی برآمد ہوا ہے۔ اس واقعے کے بعد پریاگ راج میں ہائی الرٹ کا اعلان کر دیا گیا ہے۔ حساس علاقوں میں پولیس کا گشت بڑھا دیا گیا ہے۔ آس پاس کے اضلاع سے پولیس فورس بھیج دی گئی ہے۔ پی اے سی اور آر اے ایف نصب کیے جا رہے ہیں۔
کوئی تبصرے نہیں:
ایک تبصرہ شائع کریں