سوامی یشویر نے کیا مولانا مدنی کو مباحثہ کا چیلنج: کہا- 28 فروری کو دیوبند جائیں گے، مدنی نے سناتن دھرم کی توہین کی
ہندو دھرم گرو نے مناظرے کے لئے پیش کیے 9 سوالات
چند ایام قبل دہلی کے رام لیلا میدان میں جمعیۃ علماء ہند کے ایک پروگرام کے دوران صدر جمعیت علماء ہند مولانا ارشد مدنی کے اوم اور اللہ والے بیان کی ہندو شدت پسند تنظیموں کے رہنماؤں کی جانب سے مخالفت کی جارہی تھی، اب یوگ سادھنا یشویر آشرم کے مہنت یشویر سرسوتی، جو گزشتہ کئی دنوں سے مولانا مدنی کے بیان کی مخالفت کر رہے ہیں انہوں نے اعلان کیا ہے کہ یا تو مولانا مدنی اپنے بیان کے لیے سناتن دھرم کے لوگوں سے کھلے عام معافی مانگیں، یا پھر مولانا مدنی اپنے بیان سے متعلق ثبوت پیش کریں۔
انہوں نے مزید کہا کہ ورنہ مولانا مدنی کو ان کی بحث کا چیلنج قبول کرنا پڑے گا۔ اس کے لیے انہوں نے 28 فروری کو دیوبند مارچ کا اعلان کیا تھا۔ جس کی وجہ سے سوامی یشویر مہاراج اتوار کو شہر کے شیو چوک پر واقع تلسی پارک پہنچے گے اور سب سے تعاون کی اپیل کی۔
۔
۔
یشویر سرسوتی مہاراج نے میڈیا کے نمائندوں سے خطاب کرتے ہوئے کہا کہ مولانا ارشد مدنی نے دہلی کے رام لیلا میدان میں ایک بڑی سازش کے تحت سناتن دھرم کے خلاف بول کر سناتن دھرم کی توہین کی ہے۔
اس دوران انہوں نے مولانا مدنی کو خط لکھ کر ان سے 9 سوالات پوچھے اور ان کے جواب طلب کیے اور مولانا مدنی سے ان 9 سوالوں کے جواب مانگے ہیں۔ ان سوالات میں بنیادی طور پر یہ کہا گیا ہے کہ اگر اوم اور اللہ ایک ہیں تو کیا آپ اوم کو مانتے ہیں؟
سوالات مندرجہ ذیل ہیں۔
1 - اگر اوم اور اللہ ایک ہیں تو کیا آپ اوم کو مانتے ہیں؟
2- کیا آپ کو یقین ہے کہ آپ کے باپ دادا منو مہاراج تھے؟
3- آپ نے کہا کہ منو اللہ کی عبادت کرتے تھے ،کس کتاب میں لکھا ہے؟
4- کیا آپ نے ویدوں میں اللہ کے بارے میں پڑھا ہے؟
5- دین اسلام کب سے ہے؟
6- دین اسلام کی ابتداء عرب میں ہوئی یا ہندوستان میں؟
7- کیا 1400 سال پہلے بھی اسلام کی تفصیل کہیں ملتی ہے؟
8- کیا اسلام دنیا میں تلوار کے زور پر نہیں پھیلایا گیا؟
9- کیا ملک کو مذہب کے نام پر تقسیم نہیں کیا گیا؟
کوئی تبصرے نہیں:
ایک تبصرہ شائع کریں