جنتادل سیکولر کے مطالبے پر کارپوریشن کی عمل آوری, حسن پورہ میں گٹر کے ٹوٹے سلیب کی تعمیر کا کام شروع

 شان ہند و مستقیم ڈگنیٹی کی سرپرستی میں سلیم گڑبڑ اور مسیح اللہ بیسٹ کی کامیاب کوشش

 

گزشتہ دنوں اہلیان حسن پورہ نے اپنے مسائل کی یکسوئی کے لیے جنتادل سیکولر جنرل سیکریٹری محمد مستقیم ڈگنیٹی کو طلب کیا تھا۔ ساکنین کی درخواست پر مستقیم ڈگنیٹی نے نہ صرف حسن پورہ کا دورہ کیا تھا بلکہ وہاں رہنے والے افراد سے انکے مسائل پر گفتگو بھی کی تھی۔ اس دوران لوگوں نے حسن پورہ میں ایک بڑی گٹر کے اوپر بنے سلیب اور دیگر تین سلیب کے ٹوٹ جانے کی شکایت بھی کی تھی۔ لوگوں نے بتایا تھا کہ گٹروں کے اوپر کا سلیب ٹوٹ جانے کیوجہ سے اکثر حادثات ہوتے ہیں۔

اس ضمن میں مستقیم ڈگنیٹی نے فوری طور پر کمشنر سے بات کرنے کا تیقن دیا تھا۔ چونکہ موصوف ۱۲ نومبر معاملے کے محروسین کی رہائی کے سلسلے میں مصروف تھے، انھوں نے جنتادل سیکولر کے رکن سلیم گڑبڑ اور مسیح اللہ بیسٹ کو سلیب کے تعلق سے پربھاگ آفیسران سے بات کرنے کی ذمہ داری دی تھی۔ الحمد اللہ، جنتادل سیکولر کے مطالبے پر عمل کرتے ہوئے کارپوریشن نے حسن پورہ میں گٹروں کے اوپر بنے ٹوٹے سلیب کی تعمیر کا کام شروع کردیا ہے۔

فی الحال حسن پورہ میں انصار چکی کے پاس، جمبے سیٹھ کے کارخانے کے سامنے کی گٹر کے اوپر سلیب بنانے کا کام شروع ہوچکا ہے۔ دیگر ٹوٹے سلیب کی تعمیر بھی جلد شروع ہوگی۔

اس سے قبل بھی ساکنین حسن پورہ نے دیگر لیڈران سے اس ضمن میں شکایت کی تھی پر کوئی خاطر خواہ کاروائی نہیں کی گئی۔ لیکن مستقیم ڈگنیٹی کے دورہ کے بعد کارپوریشن انتظامیہ نے اس تعلق سے کام شروع کردیا ہے۔ اہلیان حسن پورہ نے اس بات پر خوشی کا اظہار کیا اور مستقیم ڈگنیٹی و جنتادل سیکولر کا شکریہ ادا کیا۔

اس موقع پر مسیح اللہ بیسٹ، سلیم گڑبڑ، عارف حسین پاپا، توحید انصاری، عبدالرحمٰن انصاری، ابواللیث انصاری، امجد پٹھان، کے علاوہ محلہ عبدالواحد اشرفی، جمیل وائرمین، لیئق بھائی، عبدالواحد وائرمین، آمین کے پی، عارفہ آپا، مہرون خالہ، نسرین بانو، خالدہ آپا، زلیخا آپا، سمیت حسن پورہ کے دیگر سرکردہ افراد حاضر تھے۔