رکن جنتادل سیکولر مسیح اللہ بیسٹ کی کامیاب کوشش
عزیز کلو اسٹیڈیم کے پاس ٹوٹی تار تبدیل کر نئی تار لگائی گئی-
مالیگاؤں : مولانا حنیف ملی نگر (دتّ نگر) میں عزیز کلو اسٹیڈیم کے پاس کل شام ایک بجلی کا تار ٹوٹ کر بچھڑے پر گرا اور کرنٹ لگنے سے اس جانور کی موت واقع ہوگئی تھی- اس بات کی معلومات ملتے ہی جنتادل سیکولر کے فعال رکن مسیح اللہ بیسٹ جائے حادثے پر پہنچے اور بجلی کمپنی کے آفیسران کو اطلاع کی- حادثے کے فوراً بعد صدر جنتادل سیکولر شان ہند نہال احمد اور جنرل سیکریٹری محمد مستقیم ڈگنیٹی کی ہدایت پرمسیح اللہ بیسٹ نے اپنے ساتھیوں کے ہمراہ بجلی کمپنی کے آفیسر ساحل سر سے ملاقات کی تھی اور ٹوٹی تار تبدیل کر نئی تار لگانے کا مطالبہ کیا تھا-
کل بجلی کمپنی کی جانب سے آئے عملہ نے عارضی طور پر پرانی تار جوڑ کر بجلی سپلائی بحال کردی تھی- آج بجلی کمپنی کی جانب سے نئی تار لگانے کا کام بھی مکمل کیا گیا ہے- اہلیان محلہ نے مسیح اللہ بیسٹ کی موثر نمائندگی پر شکریہ کا اظہار کیا ہے-
مسیح اللہ بیسٹ نے عائشہ حکیم چوک سے مالیگاؤں ہائی اسکول کے درمیان سبھی پرانی بجلی کی تاروں کو تبدیل کر نئی لائن لگانے کا مطالبہ بجلی کمپنی سے کیا ہے- اسکے علاوہ موصوف نے فتح میدان سے پوار واڑی کے درمیان لگی پرانی بجلی تاروں کو بھی تبدیل کرنے کا مطالبہ کیا ہے- اس ضمن میں بھی بجلی کمپنی نے جلد کاروائی کرنے کا تیقن دیا ہے-
جنتادل سیکولر، مالیگاؤں
کوئی تبصرے نہیں:
ایک تبصرہ شائع کریں