۱۲ نومبر تشدد معاملہ محروسین کی رہائی کے لیے جنتادل سیکولر مسلسل سرگرم،
مستقیم ڈگنیٹی کی ممبئی میں سینئر وکلاء سے ملاقات
مالیگاؤں : ۱۲ نومبر تشدد معاملے میں گرفتار افراد کی رہائی کے لیے جنتادل سیکولر جنرل سیکریٹری محمد مستقیم ڈگنیٹی گذشتہ دو دنوں سے محروسین کے اہل خانہ کیساتھ ممبئی میں مقیم ہیں- اس دوران مستقیم ڈگنیٹی ممبئی ہائی کورٹ کے سینئر وکلاء سے ملاقات و مشورہ مسلسل جاری ہے- ممبئی ہائی کورٹ میں کئی ملزمین کی ضمانت کی عرضداشت داخل ہے- محروسین کی درخواست ضمانت پر جلد سنوائی کی تاریخ حاصل کرنے کے لیے ہر ممکن کوشش جنتادل سیکولر کی جانب سے کی جارہی ہے- ایڈوکیٹ منادارگی اور ایڈوکیٹ مہیندر جیسے سینئر وکلاء کو مقرر کیا گیا ہے تاکہ ضمانت پر سنوائی کی تاریخ جلد حاصل کی جاسکے- شہریان سے درخواست ہیکہ وہ دعا کریں اللہ تعالی قانونی مراحل میں آسانیاں پیدا فرمائے اور قید و بند کی صعوبتیں جھیل رہے بے قصور افراد کی جلد رہائی کے فیصلے فرمائے-
۱۲ نومبر تشدد معاملے میں گرفتار افراد کی رہائی کے لیے جنتادل سیکولر کے ذمہ داران مسلسل جدوجہد کررہے ہیں- اب تک 20 سے زائد ملزمین کی ضمانت مقامی عدالت سے حاصل کی جاچکی ہے- اسکے علاوہ کچھ ملزمین کی ضمانت قبل از گرفتاری اور عبوری ضمانت بھی کورٹ نے منظور کی ہے-
کوئی تبصرے نہیں:
ایک تبصرہ شائع کریں