ای ڈی دفتر سونیا۔ راہل ستیہ گرہ کرتے ہوئے جائیں گے:پائلٹ

لکھنؤ:12جون(یواین آئی) کانگریس کے سینئر لیڈر سچن پائلٹ نے پارٹی صدر سونیا گاندھی اور راہل گاندھی کو نیشنل ہیرالڈر معاملے میں انفورسمنٹ ڈائرکٹوریٹ(ای ڈی) کے ذریعہ بھیجے گئے نوٹس کا سیاسی بدنیتی سے کانگریس اعلی قیادت کو رسوا کرنے کی سازش کا نتیجہ قرار دیتے ہوئے کہا کہ دونوں لیڈر پیر کو دیگر پارٹی لیڈروں کے ساتھ ستیہ گرہ پد یاترا کر ای ڈی کے دفتر جائیں گے۔

راجستھان کے سابق نائب وزیر اعلی پائلٹ نے اتوار کو یہاں کانگریس ریاستی دفتر پر پریس کانفرنس میں کہا کہ آزادی کی تحریک کی آواز نیشنل ہیرالڈ نیوز پیپر اور کانگریس الگ نہیں ہیں۔ آزادی کی جدوجہد میں تعاون دینے اور انگریز حکومت کو جڑسے اکھاڑ پھینکنے کے لئے نیشنل ہیرالڈ نیوز پیپر کی شروعات ہوئی تھی۔ ایسوسیٹیڈ جنرل لمیٹیڈ کمپنی نے اسے شائع کیا۔

پائلٹ نے اس معاملے کا بیک گراونڈ بتاتے ہوئے کہا کہ پنڈٹ جواہر لال نہرو، سردار پٹیل، آچاریہ نریندر دیو، رفیع احمد قدوائی اور دیگر محب وطنوں کی موجودگی میں اس اخبار کا آغاز 1937 میں ہوا تھا۔ انگریزوں کو اس اخبار سے اتنا خطرہ محسوس ہوا کہ برٹش حکومت نے کانگریس کے ذریعہ چلائے گئے'بھارت چھوڑا'تحریک کے وقت 1942تا1945 تک اس اخبار کو بند کروا دیا تھا۔

انہوں نے کہا کہ آج پھر اس وقت کی انگریزی حکومت کی حمایت کرنے والی نظریات'آزادی کے تحریک کی اس آواز' کو دبانے کی گھنونی سازش کررہی ہیں۔ انہوں نے الزام لگایا کہ اس سازش کے سربراہ خود وزیر اعظم نریندر مودی ہیں۔ اور ای ڈی ان کا ہتھیار ہے۔ پائلٹ نے بتایا کہ اس فرضی اور سازشی معاملے کے سلسلے میں پورے ملک میں کانگریسیوں میں بے چینی کا ماحول ہے۔

انہوں نے کہا کہ پیر کی صبح کانگریس پارٹی کے تمام اراکین پارلیمنٹ، اراکین اسمبلی، سابق ایم پی اور سابق ایم ایل اے، کانگریس مجلس عاملہ کے رکن اور ریاستی مجلسی عاملہ کے عہدیدار کانگریس سربراہ سونیا اور راہل گاندھی کے ساتھ ستیہ گرہ پروگرام کے تحت ای ڈی دفتر تک پد یاترا کر کے جائیں گے۔ انہوں نے اعلان کیا کہ اس کے ساتھ ہی اترپردیش سمیت پورے ملک کے سبھی دفاتر پر بھی کل ستیہ گرہ پروگرام چلایا جائے گا۔

پائلٹ نے کہا کہ ملک کو گمراہ کرنے کے لئے آئے دن مسائل سے بھٹکانے کی سیاست میں ماہر مودی حکومت اب انتقام کے جذبے میں اندھی ہوگئی ہے۔ جس ذہنیت نے انگریزوں کا ساتھ دیا تھا۔ آج 'غلامی کا مظہر " وہ ذہنیت آزادی کی قربانیو ں سے بدلہ لے رہی ہے۔ اس بار انہوں نے ایک نیا بزدلانہ سازش کے تحت نیشنل ہیرالڈ معاملے میں اب وزیر اعظم نے کانگریس قیادت کو ای ڈی سے نوٹس دلایا ہے۔
پائلٹ نے سوال اٹھایا کہ نیشنل ہیرالڈ جب معاشی بحران سے گذر رہا تھا تب کانگریس پارٹی نے سال 2002 تا 2011 تک 10سال میں 90کروڑ روپئے کا قرض دیا تھا۔ کیا یہ کوئی جرم ہے۔ اس قرض سے نیشنل ہیرالڈ نے اپنے ملازمین کے تنخواہ اور اشاعت کے دیگر قرضہ جات کی ادائیگی کی۔ کیا یہ بھی کوئی جرم ہے؟۔ سیاسی پارٹی کے ذریعہ کسی کو بھی قرض دینا جرم نہیں ہے۔

انہوں نے دلیل دیا کہ ایسوسیٹیڈ جنرل لمیٹیڈ کمپنی جو 1937 سے کانگریس پارٹی کے نظریہ کی اشاعت کررہی ہے اس کی مدد کرنا کوئی جرم نہیں ہے۔ کانگریس پارٹی الیکشن کی اپنی آڈٹ رپورٹ بھی جمع کراچکی ہے۔ جسے الیکشن کمیشن نے بھی جرم نہیں مانا تھا۔