مہاراشٹر کی مخلوط حکومت میں شمولیت کے تعلق سے رکن اسمبلی مالیگاؤں نے کیا بڑا خلاصہ .
مالیگاؤں : گزشتہ دو روز سے رکن پارلیمنٹ امتیاز جلیل کے بیان پر مہاراشٹر کے سیاسی دنگل میں کھلبلی مچی ہوئی ہے . وہیں مالیگاؤں میں بھی ریاستی حکومت میں ایم آئی ایم کی شمولیت کو لیکر سیاسی بحث و مباحثہ جاری ہے. اس ضمن موصول تفصیلات کے مطابق مہاراشٹر اسمبلی میں ایم آئی ایم کے گروپ لیڈر و ایم ایل اے مفتی محمد اسماعیل قاسمی نے کئی اہم خلاصے کئے موصوف نے میڈیا کو بتایا کہ " دو ڈھائی سال قبل جس وقت این سی پی کے شردپوار مہاوکاس اگھاڑی بنانے کی کوشش میں تھے تو کانگریس ، این سی پی کے کئی لیڈران مجھ سے مسلسل رابطہ میں تھے انکی یہ چاہت تھی کہ ایم آئی ایم بھی مہاوکاس اگھاڑی کو سپورٹ کرے لیکن ایم آئی ایم کے قومی صدر اسدالدین اویسی نے مجھ کو فون پر رابطہ کرکے شیوسینا و بی جے پی سے یکساں دوری بنانے کا حکم دیا تھا چونکہ مہاوکاس اگھاڑی میں شیوسینا بھی شامل تھی اس لئے پارٹی صدر کے احکامات کی پاسداری کرتے ہوئے ہم نے ہاؤس میں غیر جانبدار رہنے کا اعلان کیا تھا " حالیہ دنوں ایم آئی ایم کی مہاوکاس اگھاڑی میں شمولیت کو لیکر جاری چرچہ پر شہر ایم ایل اے نے کہا کہ " پارٹی کے ذمہ داران کا فیصلہ ہمارے لئے قطعی ہوگا ہم انکے احکامات کے پابند رہیں گے "
کوئی تبصرے نہیں:
ایک تبصرہ شائع کریں