پیٹرول اور ڈیزل کی قیمتیں 59ویں دن بھی مستحکم
نئی دہلی، 2 جنوری (یو این آئی) گزشتہ ہفتے کرسمس اور نئے سال کے موقع پر عالمی منڈی کے بند رہنے کے سبب گھریلو سطح پر اتوار کو مسلسل 59ویں دن پیٹرول اور ڈیزل کی قیمتیں ریکارڈ سطح پر برقرار رہیں۔
مرکزی حکومت کی جانب سے 4 نومبر کو پیٹرول اور ڈیزل پر ایکسائز ڈیوٹی میں بالترتیب 5 اور 10 روپے کی کمی کے اعلان کے بعد قیمتوں میں نمایاں کمی آئی تھی اور کچھ ریاستی حکومتوں کی جانب سے ویٹ میں کمی کے فیصلے کے بعد دہلی میں پیٹرول مزید 8 روپے تک سستا ہو گیا تھا۔
گھریلو بازار میں پیٹرول اور ڈیزل کی قیمت میں 59ویں دن بھی کوئی تبدیلی نہیں ہوئی۔ راجدھانی دہلی میں ویٹ میں کمی کی وجہ سے بھارت پیٹرولیم کارپوریشن لمیٹڈ (بی پی سی ) کے اسٹیشنز پر پیٹرول کی قیمت 95.41 روپے فی لیٹر اور ڈیزل کی قیمت 86.67 روپے فی لیٹر ہے ۔
پیٹرول اور ڈیزل کی قیمتوں کا یومیہ جائزہ لیا جاتا ہے اور اسی کی بنیاد پر نئی قیمتیں ہر روز صبح 6 بجے سے لاگو ہوتی ہیں۔ آج ملک کے چار بڑے میٹرو میں پیٹرول اور ڈیزل کی قیمتیں کچھ یوں رہیں:
چار میٹروز میں پیٹرول اور ڈیزل کی قیمتیں درج ذیل تھیں۔
میٹرو............پیٹرول............ڈیزل ........................(روپے فی لیٹر)
دہلی .................95.41.......... 86.67
کولکتہ ........104.67.........89.79
ممبئی ................109.98..94.14
چنئی..................................101.40......91.43
کوئی تبصرے نہیں:
ایک تبصرہ شائع کریں