مراٹھواڑہ میں کورونا وائرس کے مزید 103 نئے کیسز، ایک کی موت

اونگ آباد، 2 جنوری : مہاراشٹر کے خطہ مراٹھواڑہ میں گزشتہ 24 گھنٹوں کے دوران جان لیوا کورونا وائرس کے 103 نئے کیسز درج ہوئے ہیں اور ایک مریض کی موت ہوئی ہے۔

محکمہ صحت نے اتوار کو یہ اطلاع دی۔ مراٹھواڑہ خطہ کے آٹھ اضلاع کے ہیڈکوارٹرز سے ملنے والے اعداد و شمار کے مطابق، اس خطے کے ضلع اورنگ آباد میں 26 نئے کیسز اور ایک مریض کی موت کی رپورٹ ہے۔ جبکہ ضلع لاتور میں 24، ضلع عثمان آباد میں 21، ضلع بیڈ میں 12، ضلع پربھنی میں 6، ناندیڑ اور جالنا اضلاع میں بالترتیب سات سات کیسز رپورٹ ہوئے، جب کہ ہنگولی میں کورونا وائرس کاایک بھی کیس نہیں ملا ہے۔