کورونا وائرس-اومیکرون: امریکہ کا اپنے ہوائی اڈوں پر اقدامات سخت کرنے کا فیصلہ
واشنگٹن ، یکم دسمبر: ہلاکت خیز کورونا وائرس کے ساؤتھ افریقن ویرینٹ اومیکرون سے نمٹنے کیلئے امریکی ہوائی اڈوں پر اقدامات سخت کرنے کا فیصلہ کیا گیا ہے۔
رپورٹس کے مطابق تمام ممالک سے امریکہ جانیوالوں کو اب بورڈنگ سے ایک روز پہلے کورونا ٹسٹ کرانا ہوگا۔
رپورٹس کے مطابق امریکہ پہنچنے کے تین سے پانچ روز بعد بھی ٹسٹ لازم کرنے پر غور کیا جارہا ہے۔
غیرملکی میڈیا کے مطابق امریکی صدر جو بائیڈن جمعرات کو کورونا وائرس سے متعلق نئی پالیسی کا اعلان کریں گے۔
دوسری جانب امریکی ادارے ایف ڈی اے نے کورونا وائرس کیخلاف پہلی دوائی کی توثیق کردی ہے جس کی جلد منظوری کا امکان ہے۔
سی ای او موڈرنا کا کہنا ہے کہ موجودہ ویکیسن شاید اومیکرون کیخلاف موثر نہ ہوسکیں۔
کوئی تبصرے نہیں:
ایک تبصرہ شائع کریں