خطۂ مراٹھواڑہ میں کورونا کے 36 نئے معاملات درج ہوئے

اورنگ آباد،یکم دسمبر : مہاراشٹر کے مراٹھواڑہ علاقے میں گزشتہ 24 گھنٹوں کے دوران کورونا وائرس کے 36 نئے معاملات سامنے آئے۔ اس دوران اس وبا کی وجہ سے ایک مریض کی موت ہو گئی۔
یہ اطلاع طبی حکام نے بدھ کے روز دی ہے۔

خطہ مراٹھواڑہ کے آٹھ ضلع ہیڈکوارٹرس سے موصولہ اطلاعات کے مطابق ضلع اورنگ آباد کورونا انفیکشن سے سب سے زیادہ متاثر رہا جہاں آٹھ نئے کیس درج ہوئے اور اس دوران ایک شخص کی موت ہوگئی۔ اس کے بعد لاتور میں 10، بیڈ میں سات، جالنا میں چھ اور عثمان آباد میں چار نئے کیسز درج کئے گئے۔ ناندیڑ میں ایک معاملہ سامنے آیا ہے۔ اس دوران ہنگولی اور پربھنی میں کوئی کیس درج نہیں کیا گیا۔