ملک میں کورونا انفیکشن کے نئے معاملے ایک بار پھر بڑھ گئے

 نئی دہلی، یکم دسمبر : ملک میں کورونا وائرس انفیکشن کے نئے معاملوں میں اتار چڑھاؤ کا سلسلہ جاری ہےگزشتہ 24 گھنٹوں کے دوران تقریباً نو ہزار نئے معاملے رپورٹ ہوئے ہیں بدھ کی صبح مرکزی وزارت صحت کی طرف سے جاری کردہ اعداد و شمار کے مطابق گزشتہ 24 گھنٹوں کے دوران ملک میں کورونا انفیکشن کے 8954 نئے معاملے سامنے آنے کے ساتھ ہی متاثرہ افراد کی کل تعداد بڑھ کر تین کروڑ 45 لاکھ 96 ہزار 776 ہو گئی ہے۔ اسی مدت میں 80 لاکھ 98 ہزار 716 کووڈ ویکسین لگائی گئی ہیں۔ اس کے ساتھ ہی اب تک 124 کروڑ 10 لاکھ 86 ہزار 850 کووڈ ویکسین لگائی جا چکی ہیں۔

وزارت کے مطابق منگل کی رات گئے تک 10207 مریض صحت یاب ہونے کے بعد وبا سے صحتیاب ہونے والے افراد کی تعداد تین کروڑ 40 لاکھ 28 ہزار 506 ہو گئی ہے۔

اسی عرصے میں فعال معاملوں کی کل تعداد 1520 کی کمی کے باعث 99023 رہ گئی ہے۔ اسی عرصے میں مہلک وائرس کے انفیکشن سے مزید 267 مریضوں کی موت کے بعد ہلاکتوں کی تعداد چار لاکھ 69 ہزار 247 ہو گئی ہے۔ ملک میں ایکٹومعاملوں کی شرح 0.29 فیصد، صحت یابی کی شرح 98.36 فیصد اور اموات کی شرح 1.36 فیصد ہے۔

کیرالہ اب بھی ملک میں فعال معاملوں میں سب سے آگے ہے۔ تاہم، ریاست میں فعال معاملے 824 تک کم ہو کر 44314 پر آ گئے ہیں۔ ریاست میں 5370 مریضوں کے صحت یاب ہونے کے ساتھ ہی کورونا سے صحتیاب ہونے والے لوگوں کی تعداد بڑھ کر 5057368 ہو گئی ہے۔ اسی عرصے میں 177 مریضوں کی موت کے بعد مرنے والوں کی تعداد 40132 ہو گئی ہے۔ کیرالہ میں گزشتہ 24 گھنٹوں میں اس وبا سے ہونے والی اموات کی تعداد سب سے زیادہ ہے۔

مہاراشٹر میں فعال معاملے 299 کم ہو کر 11226 پر آ گئے ہیں، جب کہ مزید 35 مریضوں کی موت سے مرنے والوں کی تعداد بڑھ کر 140997 ہو گئی ہے۔ اس کے ساتھ ہی مزید 942 مریضوں کے کورونا سے صحتیاب ہونے سے ان کی کل تعداد 6483435 ہو گئی ہے۔