مالیگاؤں 2008 بم دھماکہ معاملہ
حوالہ کے ذریعہ ملزم اجئے راہیکرنے پونے پانچ لاکھ روپئے حاصل کئے تھے
ممبئی29/ ستمبر
مالیگاؤں 2008 بم دھماکہ معاملے کو آج پورے 13 سال کا طویل عرصہ گذر چکا ہے اور ابتک اس مقدمہ میں فیصلہ تو دور کی بات سرکاری گواہوں کی گواہیاں ہی مکمل نہیں ہوئی ہے، آج اس معاملے میں قومی تفتیشی ایجنسی NIAنے ملزم اجئے راہیکر کے خلاف گواہی دینے کے لیئے گواہ نمبر 199 کو پیش کیا جس نے عدالت میں بتایا کہ ملزم اجئے راہیکر نے اس کی پونے آفس سے پونے پانچ لاکھ روپئے حاصل کیئے تھے جسے کسی انجان شخص نے بذریعہ حوالہ بھیجا تھا۔(اے ٹی ایس کا دعوی ہیکہ ملزم اجئے راہیکر نے غیر قانونی طریقے سے حوالہ کے ذریعہ ایک بڑی رقم حاصل کی تھی جس کا استعمال مالیگاؤں میں بم دھماکہ کرنے کے لیئے کیا گیا تھا)حوالہ کمپنی کے مالک کی گواہی کافی اہم تھی کیونکہ کل اس کی ممبئی برانچ میں کام کرنے والا ملزم اپنے سابقہ بیان سے منحرف ہوگیا تھا۔
خصوصی این آئی اے جج پی آر سٹرے کو سرکاری وکیل اویناس رسال کی جانب سے پوچھے گئے سوالات کے جوابات دیتے ہوئے گواہ نے کہا کہ نومبر 2008 میں اے ٹی ایس نے اس سے اس ضمن میں تفتیش کی تھی جس کے دوران اس نے ملزم اجئے راہیکر کی جانب سے پیسے وصول کیئے جانے کی تفصیلات اور پیسے حاصل کرنے کے بعد ملزم کی جانب سے پیسے وصول کرنے کا اعتراف کرنے والی رسید پولس کو دی تھی۔
سرکاری گواہ نے آج دوران گواہی ملزم اجئے راہیکر کی شناخت بھی کی اور عدالت کو بتایا کہ یہ ہی وہ شخص ہے جس نے اس کی کمپنی سے بذریعہ حوالہ آئے پونے پانچ لاکھ روپئے حاصل کیئے تھے۔
سرکاری گواہ سے سوال و جواب کے بعد سادھوی پرگیہ سنگھ ٹھاکر اور ملزم اجئے راہیکر کے وکیل جے پی مشراء نے جرح کی اور کہا کہ گواہ آج عدالت میں ایسا کوئی بھی ثبوت پیش نہیں کرسکتا جس سے یہ ظاہر ہو کہ متذکرہ رقم کا استعمال بم دھماکہ کرنے کے لیئے ہوا تھا بلکہ یہ تو اے ٹی ایس کی من گھڑت کہانی ہے۔
دفاعی وکیل نے سرکاری گواہ پر الزام عائد کیا کہ آج وہ عدالت میں اے ٹی ایس کے کہنے پر جھوٹی گواہی دے رہا کہ ملزم اجئے راہیکر نے اس کے پاس سے پونے پانچ لاکھ روپئے وصول کیئے تھے۔اسی درمیان سرکاری گواہ سے دفاعی وکلاء کی جرح کا اختتام عمل میں آیا جس کے بعد عدالت نے استغاثہ کو حکم دیا کہ وہ کل عدالت میں کسی دوسرے سرکاری گواہ کو پیش کرے۔
دوران سماعت عدالت میں بم دھماکہ متاثرین کی جانب سے ایڈوکیٹ شاہد ندیم، ایڈوکیٹ کرتیکا اگروال،ایڈوکیٹ عادل شیخ، ایڈوکیٹ قربان حسین(جمعیۃ علماء مہاراشٹر ارشدمدنی) موجود تھے۔
حوالہ کے ذریعہ ملزم اجئے راہیکرنے پونے پانچ لاکھ روپئے حاصل کئے تھے
ممبئی29/ ستمبر
مالیگاؤں 2008 بم دھماکہ معاملے کو آج پورے 13 سال کا طویل عرصہ گذر چکا ہے اور ابتک اس مقدمہ میں فیصلہ تو دور کی بات سرکاری گواہوں کی گواہیاں ہی مکمل نہیں ہوئی ہے، آج اس معاملے میں قومی تفتیشی ایجنسی NIAنے ملزم اجئے راہیکر کے خلاف گواہی دینے کے لیئے گواہ نمبر 199 کو پیش کیا جس نے عدالت میں بتایا کہ ملزم اجئے راہیکر نے اس کی پونے آفس سے پونے پانچ لاکھ روپئے حاصل کیئے تھے جسے کسی انجان شخص نے بذریعہ حوالہ بھیجا تھا۔(اے ٹی ایس کا دعوی ہیکہ ملزم اجئے راہیکر نے غیر قانونی طریقے سے حوالہ کے ذریعہ ایک بڑی رقم حاصل کی تھی جس کا استعمال مالیگاؤں میں بم دھماکہ کرنے کے لیئے کیا گیا تھا)حوالہ کمپنی کے مالک کی گواہی کافی اہم تھی کیونکہ کل اس کی ممبئی برانچ میں کام کرنے والا ملزم اپنے سابقہ بیان سے منحرف ہوگیا تھا۔
خصوصی این آئی اے جج پی آر سٹرے کو سرکاری وکیل اویناس رسال کی جانب سے پوچھے گئے سوالات کے جوابات دیتے ہوئے گواہ نے کہا کہ نومبر 2008 میں اے ٹی ایس نے اس سے اس ضمن میں تفتیش کی تھی جس کے دوران اس نے ملزم اجئے راہیکر کی جانب سے پیسے وصول کیئے جانے کی تفصیلات اور پیسے حاصل کرنے کے بعد ملزم کی جانب سے پیسے وصول کرنے کا اعتراف کرنے والی رسید پولس کو دی تھی۔
سرکاری گواہ نے آج دوران گواہی ملزم اجئے راہیکر کی شناخت بھی کی اور عدالت کو بتایا کہ یہ ہی وہ شخص ہے جس نے اس کی کمپنی سے بذریعہ حوالہ آئے پونے پانچ لاکھ روپئے حاصل کیئے تھے۔
سرکاری گواہ سے سوال و جواب کے بعد سادھوی پرگیہ سنگھ ٹھاکر اور ملزم اجئے راہیکر کے وکیل جے پی مشراء نے جرح کی اور کہا کہ گواہ آج عدالت میں ایسا کوئی بھی ثبوت پیش نہیں کرسکتا جس سے یہ ظاہر ہو کہ متذکرہ رقم کا استعمال بم دھماکہ کرنے کے لیئے ہوا تھا بلکہ یہ تو اے ٹی ایس کی من گھڑت کہانی ہے۔
دفاعی وکیل نے سرکاری گواہ پر الزام عائد کیا کہ آج وہ عدالت میں اے ٹی ایس کے کہنے پر جھوٹی گواہی دے رہا کہ ملزم اجئے راہیکر نے اس کے پاس سے پونے پانچ لاکھ روپئے وصول کیئے تھے۔اسی درمیان سرکاری گواہ سے دفاعی وکلاء کی جرح کا اختتام عمل میں آیا جس کے بعد عدالت نے استغاثہ کو حکم دیا کہ وہ کل عدالت میں کسی دوسرے سرکاری گواہ کو پیش کرے۔
دوران سماعت عدالت میں بم دھماکہ متاثرین کی جانب سے ایڈوکیٹ شاہد ندیم، ایڈوکیٹ کرتیکا اگروال،ایڈوکیٹ عادل شیخ، ایڈوکیٹ قربان حسین(جمعیۃ علماء مہاراشٹر ارشدمدنی) موجود تھے۔
کوئی تبصرے نہیں:
ایک تبصرہ شائع کریں