ممبئی میں کورونا وائرس کے ڈیلٹا پلس ویرینٹ نے کھولا موت کا کھاتہ . کورونا ویکسین کی دونوں خوراک لینے کے باوجود 63 سالہ خاتون کورونا کے ڈیلٹا ویرینٹ سے ہلاک
ڈیلٹا پلس ویرینٹ کی وجہ سے ممبئی میں موت کا پہلا کیس سامنے آیا ہے۔ ممبئی کے گھاٹ کوپر میں ایک 63 سالہ خاتون کی جولائی میں موت ہوئی تھی ، جس کی رپورٹ اب منظر عام پر آچکی ہے۔ رپورٹ کے مطابق خاتون کی موت ڈیلٹا پلس کی وجہ سے ہوئی۔ حیرت کی بات یہ ہے کہ خاتون نے ویکسین کی دونوں خوراکیں لی تھیں ، پھر بھی خاتون کی موت ڈیلٹا پلس ویرینٹ کی وجہ سے ہوئی۔ بتا دیں کہ مہاراشٹر میں ڈیلٹا پلس کی وجہ سے اب تک دو اموات ہوچکی ہیں۔ پہلی موت 13 جون کو ایک 80 سالہ خاتون کی رتناگری میں ہوئی تھی ۔ درحقیقت ، 11 اگست کو اس بات کی تصدیق کی گئی تھی کہ خاتون کی موت ڈیلٹا پلس کی وجہ سے ہوئی ہے۔ ریاستی حکومت کی جانب سے ، ممبئی میونسپل کارپوریشن (بی ایم سی) کو مطلع کیا گیا تھا کہ جینوم سیکوینسنگ ٹیسٹ میں ، یہ پتہ چلا ہے کہ ممبئی میں 7 افراد ڈیلٹا پلس ویرینٹ سے متاثر ہیں۔ اس کے بعد بی ایم سی نے ان مریضوں کے ساتھ رابطے میں آنے والے لوگوں سے بات کرنا شروع کی۔ یہ عورت بھی ان سات لوگوں میں شامل تھی۔
جب بی ایم سی کے افسران نے خاتون کے اہل خانہ سے ملاقات کی تو بتایا گیا کہ 27 جولائی کو خاتون کی موت ہوگئی تھی ۔ خبر ہے کہ اس خاتون کے ساتھ رابطے میں آنے والے دیگر دو افراد میں بھی ڈیلٹا پلس ویرینٹ کی تصدیق ہوئی ہے۔ ممبئی( ہیلتھ ڈیپارٹمنٹ ) محکمۂ صحت کی سربراہ ڈاکٹر منگلا گومارے نے کہا کہ 63 سالہ مریضہ کی موت ڈیلٹا پلس ویرینٹ کی وجہ سے ہوئی تھی۔ اس کے بعد اس خاتون کے ساتھ رابطے میں آنے والے 6 دیگر افراد کی بھی جانچ کرائی گئی۔ جانچ میں ، 6 میں سے 2 مزید افراد میں ڈیلٹا پلس ویرینٹ کا پتہ چلا ہے۔ ابھی کچھ اور لوگوں کی رپورٹ کا انتظار ہے۔ ڈاکٹر گومارے نے بتایا کہ خاتون بیچوالا پھیپھڑوں Interstitial lung اور Obstructive Airway میں مبتلا تھی۔ حیرت کی بات یہ ہے کہ ویکسین کی دونوں خوراکیں لینے کے باوجود وہ خاتون کورونا سے متاثر ہو گئی۔ شروعات میں خاتون کو گھر پر ہی آکسیجن سپورٹ پر رکھا گیا ، بعد ازاں 24 جولائی کو اسے اسپتال میں داخل کرایا گیا ، جہاں تین دن کے علاج کے بعد اس کی موت ہوگئی۔ این وارڈ میڈیکل آفیسر ڈاکٹر مہیندر کھانڈے نے بتایا کہ گھر میں خاتون کی حالت بگڑنے کے بعد پہلے اسے وکرولی کے گودریج میموریل ہسپتال میں داخل کیا گیا۔ علاج کے ایک دن بعد خاتون کی حالت بگڑ گئی اور گھر والوں نے اسے بریچ کینڈی ہسپتال میں داخل کرایا جہاں ان کی موت واقع ہوگئی۔
کوئی تبصرے نہیں:
ایک تبصرہ شائع کریں