کرونا ویکسین لینے کے 15 دنوں کے اندر مولانا ولی رحمانی صاحب کا انتقال 

پٹنہ : امارت شرعیہ بہار ،جھارکھنڈ و اڑیسہ کے امیر شریعت آل انڈیا مسلم پرسنل لاء بورڈ کے جنرل سیکریٹری اور خانقاہ رحمانی کے سجادہ نشین مولانا ولی رحمانی کا  پٹنہ کے اسپتال میں کوڈ 19 کی وجہ سے انتقال ہوگیا ۔ مرحوم نے 15 روز قبل ہی کرونا ویکسین لیا تھا جس کے بعد ہی وہ بیمار ہوگئے تھے۔
اطلاعات کے مطابق 15 روز قبل 18 مارچ کو مولانا بالکل تندرست تھے اور اسی عالم میں انہوں نے IGMC میں جاکر کرونا ویکسین کا پہلا ڈوز لیا تھا۔ویکسین لینے کے بعد آپ کی طبیعت بگڑنے لگی تھی اور پھر تین روز قبل انہیں پارس اسپتال میں داخل کرایا گیا جہاں انہوں نے آخری سانسیں لیں۔
مرکز المعارف کے ذمہ دار مولانا برہان الدین قاسمی کا کہنا ہے کہ آخر ویکسینیشن کے باوجود وہ کوویڈ 19 کا شکار کیسے ہوگئے اس پر ICMR کو وضاحت پیش کرنی چاہئے ۔
آل انڈیا حلال بورڈ کے جنرل سیکریٹری دانش ریاض کا کہنا ہے کہ اگر قومی سطح کے لیڈران کے ساتھ ویکسینیشن کے نام پر اس طرح کا کھلواڑ ہورہا ہے تو پھر عوام الناس میں اعتماد کیسے بحال ہوگا۔ ہندوستان میں ایک بڑی تعداد کرونا ویکسینیشن پر جن شبہات کا اظہار کررہی ہے اس طرح کے واقعات ان شبہات کو تقویت پہنچانے کا باعث بن رہے ہیں ۔
دانش ریاض نے کہا کہ مولانا ولی رحمانی ایک متحرک اور فعال رہنما تھے جن سے ملت محروم ہوگئی ہے لیکن ان کی موت کی وجوہات کیا ہیں اس پر سنجیدگی سے نوٹس لیا جانا چاہئے ۔