مہاراشٹر نامہ

 

نشاط گرلس پرائمری و ہائی اسکول میں رسم پرچم کشائی بدست پروین بدرالدجی صاحبہ .

جشنِ آزادی کی 75 ویں سالگرہ کو حکومت ہند نے امرت مہا اتسو کے نام سے منسوب کیا ہے جس کا جوش و خروش پورے ملک میں دیکھا گیا. اس موقع پر ہندو مسلم اتحاد کی ایک نئی لہر نظر آئی، چھوٹے بڑے کاروبار کرنے والے، سرکاری و نیم سرکاری اداروں میں، گلی کوچوں میں رنگا رنگ بہار دیکھی گئی، کالر ٹیون سے لیکر اسکول، کالج اور دیگر انجمنوں میں حب الوطنی گیت سننے کو ملے امسال جشن آزادی کے 78 ویں جشن کو بڑے ہی احتشام کے ساتھ ہر جگہ منایا گیا  اسی ضمن میں نشاط گرلس ہائی اسکول میں جشن آزادی کی تقریب پروقار طریقے سے منائی گئی، صبح سویرے نشاط گرلس پرائمری اسکول کی نہایت فعال اور سینئر معلمہ محترمہ پروین بدرالدجی

 صاحبہ کے دست مبارک سے رسم پرچم کشائی عمل آئی.  جبکہ اس پروقار تقریب کی صدارت بانی سرپرست جناب عبدالعزیز احمد اللہ صاحب نے کی  جس میں دیگر اراکینِ انجمن بہ نفس نفیس موجود رہے،ابتدائی پروگرام کا آغاز تلاوتِ  قرآن پاک، حمد اور نعت کے نذرانوں سے ہوا بعد از ایں حب الوطنی کے جذبات سے سرشار طالبات نے   اردو، انگریزی اور مراٹھی زبانوں میں تقاریر اور قومی گیت پیش کیے، اراکین انجمن میں عالی وقار حنیف گلزار صاحب نے آزادی اور آزادی کی اہمیت اور تعلیم نسواں کے عنوان پر اشعار سے پر اثر تقرر پیش کی آپ محترم نے گراں قدر باتیں سے طالبات کو نصیحتیں کی اور آزادی کی مبارک باد پیش کی اختتام پر نازیہ میڈم نے رسم شکریہ ادا کیا اس پورے پروگرام کی نظامت محترمہ سمیہ میڈم اور امتیاز رفیق سر نے کی.