جمعیت علماء مالیگاوں (مدنی روڈ) کے زیراہتمام بروز جمعہ 13/اکتوبر کو یوم دعا کے لئے دردمندانہ اپیل
تمام عالم اسلام خصوصاً اہل فلسطین و غزہ پر جو حالات ہیں وہ کسی سے پوشیدہ نہیں ہیں، غاصب اسرائیل نے 1948/سے فلسطین پر غاصبانہ قبضہ کررکھا ہے،اس کے غاصبانہ قبضے کے نتیجے میں "اسرائیل" کے نام سے مستقل ریاست وجود میں آچکی ہے، اسرائیل اپنے ناپاک عزائم کی تکمیل کے لیے آئے دن اہل فلسطین کو نشانہ بناتا رہتا ہے،اسرائیل کے ظلم وستم کے نتیجے میں نہ جانے کتنے معصوموں نے جام شہادت نوش کرلیا ہے، سینکڑوں کی تعداد میں بے گناہ اہل فلسطین، اسرائیل کی جیلوں میں قید ہیں،غزہ پٹی کے علاقے کو دنیا کی سب بڑی کھلی جیل بنادیا گیا ہے، جب جی میں آتا ہے اسرائیلی فوجی قبلہ اول مسجداقصی کا تقدس پامال کرتے ہوئے نہیں تھکتے ہیں
ابھی حال میں فلسطینی مسلمانوں نے مسجد اقصی کی بار بار بے حرمتی سے تنگ آکر اسرائیل کو سبق سکھانے کا ارادہ کرکے اپنے معمولی ہتھیاروں سے حملہ کیا 'پھر کیا تھا!! اسرائیل نے غزہ پٹی کا محاصرہ کرکے چاروں طرف سے حملہ کردیا ہے جس کی وجہ سے انسانی اموات کا سلسلہ جاری ہے اور مکانات کھنڈرات میں تبدیل ہورہے ہیں-*
جمعیت علماء مالیگاوں (مدنی روڈ) تمام مسلمانوں سے دردمندانہ و عاجزانہ اپیل کرتی ہے کہ
بروز جمعہ 13/اکتوبر کو یوم دعا منائیں
انفرادی و اجتمادی طورپر تمام مسلمانوں کے لئے دعا کریں،
خاص طور پر ہم پر اہل فلسطین کا حق ہے کہ مصیبت و آزمائش کی اس گھڑی میں ہم انکے لیے دعا کریں
کہ اسرائیلی ظلم و ستم سے نجات حاصل کرنے کی اس جدوجہد میں اللہ تعالیٰ اہل فلسطین و غزہ کی بھرپور مدد و نصرت فرمائے،
خطے میں امن وامان قائم ہونے اور قبلہ اول کی بازیابی کے لیے بھی خصوصی دعائیں کریں-
نوٹ:ائمہ کرام مسجدوں میں اعلان کرکے نماز جمعہ کے بعد دعاؤں کا اہتمام کریں-
التماس کنندگان :-
(مفتی) محمد اسماعیل قاسمی، حاجی محمد مکی، عبدالمالک بکراودیگر اراکین جمعیت علماء مالیگاوں (مدنی روڈ)
کوئی تبصرے نہیں:
ایک تبصرہ شائع کریں