مہاراشٹر کے سرکاری اسپتالوں میں موت کا ننگا ناچ: ناندیڑ کے بعد اب ناگپور سے بری خبر، 24 گھنٹوں میں 23 مریضوں کی موت سے مچا کہرام
ناگپور (مہاراشٹر): مہاراشٹر کے اسپتالوں سے بری خبریں آتی رہتی ہیں۔ ناگپور ضلع کے ایک سرکاری اسپتال میں 24 گھنٹوں میں 14 مریضوں کی موت ہوگئی۔ جبکہ یہاں کے ایک اور سرکاری اسپتال میں اسی عرصے کے دوران نو دیگر مریض جان کی بازی ہار گئے۔ اس طرح ضلع کے دونوں اسپتالوں میں 24 گھنٹوں کے اندر 23 مریض دم توڑ گئے۔ حکام نے بدھ کو یہ معلومات دی۔ ناندیڑ کے ڈاکٹر شنکر راؤ چوہان گورنمنٹ میڈیکل کالج میں 48 گھنٹوں میں 31 مریضوں اور 30 ستمبر سے 2 اکتوبر کے درمیان اورنگ آباد کے ایک سرکاری اسپتال میں 24 گھنٹوں کے دوران 18 مریضوں کی موت کے فوراً بعد ان اسپتالوں کے حکام نے یہ اعداد و شمار شیئر کیے ہیں۔
ہسپتال کے ایک اہلکار نے بتایا کہ گورنمنٹ میڈیکل کالج اینڈ ہسپتال (جی ایم سی ایچ)، ناگپور میں بدھ کی صبح 8 بجے ختم ہونے والے 24 گھنٹوں میں 14 مریضوں کی موت ہوئی ہے۔ جی ایم سی ایچ کے صدر (ڈین) ڈاکٹر راج گجبھیے نے کہا کہ اسپتال میں 1900 بیڈز کی گنجائش ہے۔ روزانہ اوسطاً 10 سے 12 مریض مرتے ہیں۔
انہوں نے کہا کہ اسپتال میں مرنے والے زیادہ تر مریض یا تو آخری لمحات کے لیے آنے والے مریض ہیں یا جنہیں انتہائی نگہداشت کے یونٹ (آئی سی یو) میں داخل کرنے کی ضرورت ہے۔ ایسے مریضوں کو نازک حالت میں جی ایم سی ایچ لایا جاتا ہے۔
افسر نے بتایا کہ ان میں سے بیشتر کو تشویشناک حالت میں یہاں لایا گیا تھا۔ ان میں وہ مریض بھی شامل ہے۔ جن کو وینٹی لیٹر کی ضرورت تھی۔ انہوں نے بتایا کہ پورے ودربھ خطے کے مریض اسپتال میں داخل ہیں۔
اہلکار نے کہا کہ آئی جی جی ایم سی ایچ میں 800 بیڈز کی گنجائش ہے۔ روزانہ اوسطاً چھ مریض مرتے ہیں۔ اہلکار نے بتایا کہ ہسپتال میں مناسب مقدار میں ادویات اور دیگر سہولیات دستیاب ہیں۔
کوئی تبصرے نہیں:
ایک تبصرہ شائع کریں