نشاط گرلس ہائی اسکول کی کبڈی ٹیم ایک بار پھر تعلقہ لیول پر فائنل فاتح ہوئی.

 

نشاط گرلس ہائی اسکول کی کبڈی ٹیم ایک بار پھر تعلقہ لیول پر فائنل فاتح ہوئی. 

آزاد ہندوستان کے سابق وزیراعظم جناب لال بہادر شاشتری نے ایک مرتبہ اپنی تقریر میں اپنی سر زمین اپنی مٹی اور کھیلوں کی اہمیت پر بہت خوبصورت جملہ کہا تھا جسے آج بھی یاد کیا جاتا ہے اور وہ یوں گویا ہوئے کہ مجھے دو ہی لوگ اس مٹی سے جڑے نظر آتے ہیں ایک کسان اور دوسرے کھیلوں کے میدان میں کھلاڑی یہ دونوں ہی اپنی صلاحیتوں کا لوہا منواتے ہیں ملک کا نام فخر سے بلند کرتے ہیں علاوہ ازیں اسپورٹس کی اہمیت پر اس طرح روشنی بکھرتے ہوئے کہا کہ یہ انسانی صحت و تندرستی کے لیے انتہائی اہم ہوتا ہے لہذا ملک کے ہر کونے میں ہمیں اسپورٹس کے بہترین کھلاڑی نظر آتے ہیں اور ہی لئے اسپورٹس کو اسکولوں سے بھی وابستہ رکھا گیا ہے اور اسی ضمن میں شہر مالیگاؤں میں ہر سال تعلقہ و ضلعی سطح پر کبڈی کے مقابلے ہوتے ہیں اور امسال ہونے والے تعلقہ لیول کے کبڈی کے مقابلوں میں ایک بار پھر نشاط گرلس ہائی اسکول کی طالبات نے نہ صرف حصہ لیا بلکہ فائنل فاتح رہے ۔

امسال تعلقہ لیول پر ہوئے کبڈی کے مقابلوں میں جونیئر و سینئر گروپ کی  طالبات نے اپنے بہترین کھیل کا مظاہرہ کیا۔ اور الحمداللہ گذشتہ کی ہی طرح اس بار بھی نشاط گرلس ہائی اسکول کی جونیئر لیول کی کبڈی کی ٹیم نے بہترین کھیل کا مظاہرہ کرتے ہوئے گلشنِ آمنہ ہائی اسکول کی طالبات کو 12  پوائنٹ سے شکست دیتے ہوئے فائنل مقابلہ جیت لیا۔اس شاندار کامیابی پر نشاط ایجوکیشنل سوشل اینڈ ویلفیئر سوسائٹی کے صدر و اراکین، اسکول ہیڈ مسٹریس ،ٹیچنگ و نان ٹیچنگ اسٹاف کی جناب سے تمام ہی کھلاڑیوں اور PT ٹیچرس خصوصاً افروز میڈم اور ثمینہ میڈم کو دلی مبارک باد پیش کی گئی.