ممبئی: ڈکیتی کے دوران منہ پر سیلوٹیپ چپکانے سے معمر خاتون کے موت
ممبئی میں ڈکیتی کی واردات کے دوران ایک خاتون کو قتل کر دیا گیا۔ تاڑدیو میں تین افراد نے ایک گھر میں گھس کر بزرگ جوڑے کے ہاتھ پیر باندھ کر ان کے گھر سے طلائی زیورات لوٹ لئے۔ ملزمان نے بزرگ جوڑے کے منہ پر سیلوٹیپ چپکا دیا تھا۔ ڈکیتی کی اس واردات کے دوران معمر خاتون کی موت ہو گئی۔
پولیس حکام کے مطابق مدن موہن اگروال (75) صبح 6.30 بجے صبح کی سیر کے لیے گھر سے نکل رہے تھے کہ تین نامعلوم افراد نے اسے گھر کے اندر دھکیل دیا۔
اگروال کی بیوی سریکھا (70) بھی گھر میں تھی۔ جوڑا زیادہ تر اکیلا ہی رہتا تھا۔ ان تین افراد نے بزرگ جوڑے کے ہاتھ پیر رسی سے باندھے اور ان کے منہ پر سیلوٹیپ چسپاں کر دی۔
پولیس افسر نے انکشاف کیا کہ دونوں کو باندھنے کے بعد تینوں ملزمان طلائی زیورات اور دیگر قیمتی سامان لے کر گھر سے نکل گئے۔ ہاتھ پاؤں بندھے ہوئے مدن موہن اگروال نے کسی طرح دروازہ کھولا اور پڑوسی کو بلایا جس نے فوری طور پر تاڑدیو پولیس کو اطلاع دی۔ پولیس موقع پر پہنچی اور جوڑے کو نائر اسپتال لے گئی، جہاں ڈاکٹروں نے سریکھا کو مردہ قرار دیا۔
کوئی تبصرے نہیں:
ایک تبصرہ شائع کریں