سُنّی تعزیہ کمیٹی کے اراکین کی مالیگاؤں فیسٹیول میں شرکت !
راشٹریہ مُسلم مورچہ، حفاظت گروپ، مومن کانفرنس و دیگر تنظیمیں بھی شامل۔
کچھ دیر سامنے خاص نشستوں پر بیٹھ کر ان لوگوں نے اسٹیج پر جاری پروگرام کو دیکھا، اور اسکولی طلباء و طالبات کی جانب سے پیش کردہ پروگرام کی سراہنا کی۔ اُس کے بعد انہی لوگوں کے ہاتھوں سے مقابلے میں حصّہ لینے والے بچّے اور بچّیوں کو انعامات تقسیم کروائے گئے۔ اس موقع پر سُنّی تعزیہ کمیٹی، راشٹریہ مسلم مورچہ، حفاظت گروپ، انجمن خدام اعلٰی حضرت، آل انڈیا مومن کانفرنس، خانقاہ آشیانہ مجددی فاؤنڈیشن، انجمن سرکار مفتئ اعظم اور دیگر تنظیموں کی جانب سے فیسٹیول کے انعقاد میں کلیدی کردار ادا کرنے والے سابق ایم ایل اے آصف شیخ رشید صاحب کو شال پہنا کر، گلدستہ دے کر اور پھول ہار کر کے مبارکباد دی گئی، اور شہر کے لئے اتنے اچّھے ڈھنگ سے بہترین انتظامات کے ساتھ فیسٹیول کا انعقاد کر کے شہر کی تہذیب و ثقافت فن اور صنعت کو دنیا سے روشناس کرانے کے لئے کی گئی کوشش پر اُن کا شکریہ ادا کیا گیا۔
سابق میئر محترمہ طاہرہ شیخ رشید صاحبہ نے بھی اس فیسٹیول کے انعقاد میں سرگرم رول ادا کیا، اس لئے اُن کا استقبال بھی ان تنظیموں نے شال اور بُو کے دے کر اور مہرالنساء اشفاق صاحب کے ہاتھوں پُھول ہار پہنا کر کیا گیا۔ جناب آصف شیخ رشید صاحب کو یہ پیشکش کی گئی کہ آپ ہر سال اس فیسٹیول کا انعقاد کریں، ان مشترکہ تنظیموں کی جانب سے بھرپور تائید و حمایت اور تعاون رہیگا۔ فیسٹیول میں آکر استقبال کرنے اور حوصلہ بڑھانے پر سابق ایم ایل اے آصف شیخ رشید صاحب نے بھی ان تنظیموں کا شکریہ ادا کیا۔ ایسی پریس نوٹ مشترکہ تنظیموں کی جانب سے اشاعت کے لئے دی گئی ہے۔
کوئی تبصرے نہیں:
ایک تبصرہ شائع کریں