16/17/18 دسمبر کو ممبئی میں عالمی سالانہ سنی اجتماع
21 دسمبر کو شہر مالیگاؤں میں 4 جامعات کا مشترکہ اجلاس دستار بندی و ردا پوشی
مالیگاؤں : 21 دسمبر 2022ء بروز بدھ سنی دعوت اسلامی مالیگاؤں کے زیرِ اہتمام آلِ رسول حضرت مولانا سید محمد امین القادری صاحب قبلہ کی نگرانی میں جاری 4 جامعات الجامعۃُ القادریہ نجمُ العلوم،جامعہ آلِ رسول،جامعہ عائشہ صدیقہ،جامعہ خدیجۃُ الکبریٰ سے امسال کُل 111 طلباء و طالبات درجۂ عالمیت، درجۂ حفظ و قرآت و درجۂ مبلغات سے فراغت حاصل کررہے ہیں اس موقع پر عظیمُ الشّان جلسۂ جشنِ دستار بندی و رداء پوشی کا انعقاد 21 دسمبر بروز بدھ بعد نمازِ مغرب فوراً اے ٹی ٹی ہائی اسکول گراؤنڈ، قدوائی روڈ مالیگاؤں میں منعقد ہوگاـ جسمیں خلیفۂ حضور مفتئ اعظم، سیّاح یورپ و ایشیاء، مفکر اسلام حضرت علّامہ قمر الزماں خان اعظمی صاحب قبلہ (جنرل سیکریٹری ورلڈ اسلامک مشن) ، داعئ کبیر، عطائے حضور مفتئ اعظم، بانئ مدارس کثیرہ حضرت العلام حافظ و قاری محمد شاکر علی نوری صاحب قبلہ (امیر سنی دعوت اسلامی ممبئی) کے ہاتھوں فارغین کے سروں پر دستارِ فراغت سجائی جائے گی اہلیانِ مالیگاؤں کے لئے یہ خبر باعثِ مسّرت ہے کہ دنیائے سنیت کے دو عظیمُ المرتبت شخصیات کی آمد شہر میں ہورہی ہے اس بیش بہا قمیتی موقع سے استفادہ کرنے کے لئے جلسۂ دستارِ بندی و ردا پوشی میں ضرور بہ ضرور شریک ہوں 16/17/18 دسمبر کو عالمی تحریک سنی دعوت اسلامی کا عالمی سالانہ سنی اجتماع سرزمین ممبئی میں منعقد ہورہا ہے اجتماع کی تیاریوں کو لیکر مالیگاؤں میں آلِ رسول حضرت مولانا سید محمد امین القادری صاحب قبلہ (نگراں سنی دعوت اسلامی مالیگاؤں) کی نگرانی میں علمائے کرام، مبلغین اسلام اور معاونین مستعد ہیں انشاءاللہ شہر سے ایک بڑی تعداد عالمی سالانہ سنی اجتماع میں شرکت کے لئے تیار ہے
رپورٹ : سنی دعوت اسلامی مالیگاؤں (شعبۂ نشر و اشاعت)
کوئی تبصرے نہیں:
ایک تبصرہ شائع کریں