عمران خان نے بتا ئے قاتلانہ حملے کے تین ذمہ دار ، عہدے سے نہیں ہٹایا گیا تو ہوگا ملک گیر احتجاج

اسلام آباد: پاکستان تحریک انصاف (پی ٹی آئی) کے سینئر لیڈران نے جمعرات کو کہا کہ پاکستان کے سابق وزیر اعظم عمران خان کا خیال ہے کہ ان پر وزیر اعظم شہباز شریف، ملک کے وزیر داخلہ رانا ثناء اللہ اور انٹر سروسز انٹیلی جنس آئی ایس آئی کے اعلیٰ افسر میجر جنرل فیصل نصیر کے حکم پر ان پر قاتلانہ حملہ کیا گیا تھا۔ اور  ان کے یہ ریمارکس انہیں موصول ہونے والی معلومات پر مبنی ہیں۔

عمران خان کی پارٹی پی ٹی آئی کے لیڈر  اسد عمر اور میاں اسلم اقبال نے کہا کہ کچھ ہی دیر پہلے عمران خان نے ہمیں ان کی طرف سے بیان جاری کرنے کو کہا... ان کا خیال ہے کہ یہ جان لیوا  حملہ تین لوگوں کے کہنے پر کیا گیا تھا۔ - شہباز شریف (وزیراعظم)، رانا ثناء اللہ (وزیر داخلہ) اور میجر جنرل فیصل (آئی ایس آئی کے ڈائریکٹر جنرل (سی)... انہوں نے کہا کہ انہیں معلومات مل رہی ہیں، اور اس کی بنیاد پر وہ یہ کہہ رہے ہیں ہہ..."

پی ٹی آئی لیڈران نے یہ بھی بتایا کہ عمران خان کی حالت مستحکم ہے، اور وہ خطرے سے باہر ہیں۔

پی ٹی آئی کے جنرل سیکریٹری اسد عمر نے پارٹی کی جانب سے پوسٹ کی گئی ایک ویڈیو میں کہا کہ ’تین لوگوں کو ان کے عہدوں سے ہٹا دینا چاہئے…

انہوں نے کہا کہ میں نے عمران خان سے بات کی، کیونکہ ہمیں خبریں مل رہی تھیں کہ عمران خان خطرے میں ہیں، تاہم انہوں نے کہا کہ ہمیں یہ سب اللہ پر چھوڑ دینا چاہیے، عمران خان نے مطالبہ کیا کہ ان تینوں افراد کو پارٹی سے ہٹایا جائے۔... ہم صرف عمران خان کی منظوری کا انتظار کر رہے ہیں... اگر ان تینوں کو ہٹایا نہیں گیا تو ملک گیر احتجاج ہو گا..."

اسد عمر نے یہ بھی کہا کہ عمران خان کی ٹانگ میں گولی لگی تھی، ان کا سی ٹی اسکین کیا گیا ہے، اگر کسی کو کوئی شک ہے تو وہ آج دور ہو جائے، کیونکہ عمران خان بار بار کہہ رہے ہیں کہ وہ اس ملک کی آزادی کے لیے اپنی جان کا نذرانہ پیش کرنے کیلئے تیار ہیں۔ ‘‘