بروز سنیچر کو باغِ محمود میں جنتادل کی میٹنگ کو بھرپور حمایت
مولانا عبدالحمید نعمانی گارڈن کو اس کا حق دلانے کے بعد نعمانی پُل کی تعمیر کے لئے ہونے والی جدوجہد میں ہم شانِ ہند اور مستقیم ڈِگنیٹی کے ساتھ شانہ بشانہ کھڑے ہیں __ _ سعدیہ لئیق حاجی ( کارپوریٹر)
مولانا عبدالحمید نعمانی رحمتہ اللہ علیہ جیسی بزرگ ہستی کے تقدس کو پامال کرنے والے چیمپئن چوروں نے موسم ندی کے کنارے آباد محلہ باغِ محمود و اطراف کے علاقے کی عوام کو نعمانی پُل کی ناقص تعمیر کے ذریعے جو تکلیف پہنچانے کا کام کیا ہے اسے شہر کے قدیم دینی و مِلّی علاقے، روی وار وارڈ کی عوام خصوصاً اور شہر کی عوام قطعی معاف نہیں کر سکتی. یہی وجہ رہی کہ گزشتہ اسمبلی الیکشن میں مولانا عبدالحمید نعمانی رحمتہ اللہ علیہ پُل چیمپئن چوروں کے گلے کی ہڈی بن گیا.
اقتدار کے نشے میں چُور عہدے دار اب بھی اس اہم پُل کو نظر انداز کر رہے تھے مگر جنتادل سیکولر صدر شانِ ہند اور سیکریٹری مستقیم ڈِگنیٹی نے پریس کانفرنس میں اس پُل کی جانب پورے شہر کی توجہ مبذول کروائی ساتھ ہی گذشتہ پیر کو میونسپل کمشنر کو میمورنڈم دیتے ہوئے نہ صرف مولانا عبدالحمید نعمانی رحمتہ اللہ علیہ پُل کی تعمیر کا مطالبہ کیا بلکہ مطالبہ پورا نہ ہونے پر سخت احتجاج کی دھمکی بھی دی جس کا اثر پورے روی وار وارڈ سمیت شہر بھر میں دیکھا جا رہا.
اسی تعلق سے بروز سنیچر شام چار بجے سے چھ بجے تک باغِ محمود میں جنتادل سیکولر نے ایک میٹنگ کا اعلان کیا ہے جس کی بھرپور حمایت کی جاتی ہے. ہم نے مولانا عبدالحمید نعمانی رحمتہ اللہ علیہ کے نام سے منسوب رسولپورہ کے گارڈن کو جس طرح اُس کا وقار دلانے کی کامیاب کوشش کی ہے ٹھیک اسی طرح مولانا موصوف کے نام پر شاندار اور مضبوط پُل بنانے کی جنتادل سیکولر کی اس تحریک کے دوران بھی ہم محترمہ شانِ ہند اور مستقیم ڈِگنیٹی کا ہر قدم پر ساتھ دیں گے.
سعدیہ لئیق حاجی۔ کارپوریٹر
لںٔیق حاجی (معاون کارپوریٹر)
کوئی تبصرے نہیں:
ایک تبصرہ شائع کریں