مالیگاؤں میں پراسرار حالت میں بزرگ جوڑے کی موت سے سنسنی

مالیگاؤں : شہر کے ہنگلاج نگر علاقے میں آج علی الصبح ایک بزرگ جوڑے کی لاش اپنے ہی گھر میں پراسرار حالت میں ملنے سے شہر میں سنسنی پھیل گئی.  ذرائع سے ملی تفصیلات کے مطابق الطاف حسین محمد سعید اور ان کی اہلیہ القمہ الطاف حسین ہنگلاج نگر میں واقع اپنے رہائشی گھر میں مردہ حالت میں پائے گئے. میاں بیوی کی مشکوک حالت میں موت پولیس کے لئے ایک معمہ بن گئی ہے. واضح رہے کہ یہ بزرگ جوڑا تنہا رہتا تھا.  ان کا بیٹا تلاش معاش لے لئے پونہ میں سکونت پذیر ہیں اور بیٹیوں کی شادیاں ہوچکی ہیں.  

پولیس اس بات کا سراغ لگانے کی کوشش کررہی ہیں کہ آیا ڈکیتی کے لئے تو میاں بیوی کا قتل نہیں کیا گیا.  لاش کو پولیس نے اپنی تحویل میں لے کر پوسٹ مارٹم کے لئے بھیج دیا ہے.  پولیس اس کیس کی ہر زاویے سے باریک بینی سے تحقیقات کررہی ہیں.