مشہور کامیڈین راجو سریواستو کی موت سے ملک بھر میں دکھ کی لہر
مشہور کامیڈین راجو سریواستو 58 سال کی عمر میں دنی کو الوداع کہہ گئے۔ اس سال اگست میں دل کا دورہ پڑنے کے بعد انہیں دہلی کے ایمس میں داخل کرایا گیا تھا۔ جہاں وہ زندگی کی جنگ لڑ رہے تھے۔ 42 دن تک علاج چلتا رہا لیکن ڈاکٹر انہیں بچا بہ سکے۔ 10 اگست کو ایمس میں داخل ہونے کے بعد ان کی صحت میں کوئی بہتری نہیں آئی تھی۔ کام کرنے کے دوران کامیڈین اچانک گر کر بے ہوش ہوگئے۔ دل کا دورہ پڑنے کے بعد راجو شریواستو کے دماغ پر بھی اس کا گہرا اثر پڑا تھا جس کی وجہ سے ان کا برین ڈیمیج ہو گیا تھا۔ راجو سریواستو کی موت سے ہر کوئی صدمے میں ہے۔انٹرٹینمنٹ کی دنیا کے علاوہ سیاستدان بھی ان کے جانے سے غمزدہ ہیں۔
اتر پردیش کے وزیر اعلی یوگی آدتیہ ناتھ نے بھی ان کی موت پر گہرے دکھ کا اظہار کیا ہے۔ انہوں نے کہا، "میں ریاست کے لوگوں کی طرف سے مرنے والے کی آتما کو شانتی کی خواہش کرتا ہوں۔ میں سوگوار کنبہ کے افراد سے تعزیت کا اظہار کرتا ہوں۔ میری خواہش ہے کہ بھگوان ان کو صبر دیں میں اس کے لئے دعا کرتا ہوں۔"
ایس پی سربراہ اکھلیش نے ہندوستان کے مشہور کامیڈین اور گاجودھر بھیا فیم راجو سریواستو کی موت پر دکھ کا اظہار کیا ہیں۔ سماج وادی پارٹی کے سربراہ اکھلیش یادو نے میڈیا سے بات کرتے ہوئے کہا کہ راجو شریواستو کی موت بہت افسوسناک ہے۔ ایسی صلاحیتیں رکھنے والے لوگ کم ہی پیدا ہوتے ہیں۔ راجو کامیڈی کی دنیا کے ساتھ ساتھ سیاسی دنیا میں بھی اپنے لطیفوں کے لیے مشہور تھے۔
راجو شریواستو کی موت پر غم کا اظہار کرتے ہوئے، وزیر دفاع راج ناتھ سنگھ نے ٹوئیٹ کیا، "میں راجو سریواستو جی کی موت سے بہت غمزدہ ہوں۔ وہ ایک ماہر فنکار ہونے کے ساتھ ساتھ بہت زندہ دل انسان بھی تھے۔ وہ سماجی میدان میں بھی بہت سرگرم تھے۔ میں ان کے سوگوار خاندان اور مداحوں سے تعزیت کرتا ہوں۔ !
اتر پردیش کے نائب وزیراعلیٰ کیشو پرساد موریہ نے ٹوئیٹ کیا اور کہا کہ ان کی موت فن اور فلمی دنیا کے لیے ایک ناقابل تلافی نقصان ہے۔ بھگوان مرحوم کو اپنے قدموں میں جگہ دے اور سوگوار خاندان اور مداحوں کو یہ صدمہ برداشت کرنے کی طاقت دے۔
دہلی کے وزیر اعلی اروند کیجریوال نے ٹوئیٹ کیا، مشہور مزاحیہ اداکار راجو شریواستو جی کی افسوسناک موت۔ بھگوان مرنے والے کو اپنے قدموں میں جگہ دے۔ دکھ کی اس گھڑی میں ان کے اہل خانہ اور ان کے تمام مداحوں سے میری تعزیت۔
امیت شاہ نے ٹوئیٹ کیا اور کہا، "مشہور کامیڈین راجو سریواستو جی کا منفرد انداز تھا، انہوں نے اپنی حیرت انگیز صلاحیتوں سے سب کو متاثر کیا۔ ان کی وفات فن کی دنیا کا بہت بڑا نقصان ہے۔ میں ان کے خاندان اور مداحوں سے تعزیت کرتا ہوں۔ بھگوان ان کو یہ صدمہ برداشت کرنے کی ہمت دے۔
کوئی تبصرے نہیں:
ایک تبصرہ شائع کریں