غلام نبی آزاد نے کیا نئی 'ڈیموکریٹک آزاد پارٹی' کا اعلان
غلام نبی آزاد نے آج اپنی نئی پارٹی کے نام کا اعلان کر دیا ہے۔ انہوں نے اپنی پارٹی کا نام 'ڈیموکریٹک آزاد پارٹی' رکھا۔ آزاد نے 26 اگست کو کانگریس سے استعفیٰ دیا تھا۔ اس کے بعد انہوں نے کہا تھا کہ وہ جلد ہی نئی پارٹی کے نام کا اعلان کریں گے۔ انہوں نے یہ بھی کہا تھا کہ ان کی پارٹی کا نظریہ آزاد ہوگا۔ بتادیں کہ غلام نبی آزاد اتوار کو ہی سری نگر پہنچ گئے ہیں۔ وہ 27 ستمبر تک یہاں رہیں گے۔ اس کے بعد وہ دہلی جا رہے ہیں۔
غلام نبی نے کہا تھا کہ صرف سیکولر لوگ ہی ان کی پارٹی میں شامل ہو سکتے ہیں۔ انہوں نے پارٹی کے نام کے حوالے سے عوام سے تجاویز بھی مانگی تھیں۔ سری نگر کے دورے کے دوران بھی انہوں نے حامیوں سے پارٹی کے نام پر تبادلۂ خیال کیا اور اس کے بعد پریس کانفرنس کرکے نئی پارٹی کا اعلان کیا۔
غلام نبی آزاد نے بھی اپنی پارٹی کے جھنڈے کی بھی نقاب کشائی کی ہے۔ انہوں نے کہا کہ پرچم کا پیلا رنگ تخلیقی صلاحیتوں، اتحاد اور تنوع کی علامت ہے۔ سفید رنگ امن کی نمائندگی کرتا ہے اور نیلا رنگ آزادی، کھلے خیالات، تخیل اور سمندر کی گہرائیوں سے آسمان کی بلندیوں تک کی نمائندگی کرتا ہے۔ آزاد نے کہا، لوگوں نے اردو، سنسکرت، ہندی میں نام تجویز کیے تھے۔ تاہم، ہم ایک ایسا نام چاہتے تھے جس میں تینوں چیزیں جمہوری، امن اور آزاد ہوں۔
73 سالہ غلام نبی آزاد نے 26 اگست کو کانگریس سے استعفیٰ دے دیا تھا۔ اس کے علاوہ انہوں نے سونیا گاندھی کو ایک لمبا چوڑا خط بھی لکھا اور راہل گاندھی پر سخت نشانہ لگایا۔ بتادیں کہ غلام نبی آزاد جی-23 کے رہنماؤں میں سے ایک تھے۔ ان کے پارٹی چھوڑنے کے بعد نیشنل کانفرنس کے سربراہ فاروق عبداللہ نے بھی انہیں پیشکش کی تھی اور کانگریس پر تنقید کی تھی۔
کوئی تبصرے نہیں:
ایک تبصرہ شائع کریں