بیٹی کو عاشق کے ساتھ قابل اعتراض حالت میں دیکھ کر باپ نے کیا قتل، 

  یوپی کے  بستی ضلع میں محبت کرنے والے جوڑے کو قابل اعتراض حالت میں دیکھ کر موت کے گھاٹ اتار دیا گیا۔  یہی نہیں قاتلوں نے لاش کو ٹھکانے لگانے کے لیے مختلف طریقے اپنائے۔  قتل کی اطلاع ملتے ہی پولیس نے دونوں کی لاشیں قبضے میں لے کر پوسٹ مارٹم کے لیے بھیج دیں۔

  بستی: اترپردیش کے بستی ضلع میں غیرت کے نام پر قتل کا ایک سنسنی خیز معاملہ سامنے آیا ہے۔  محبت کرنے والے جوڑے کو قابل اعتراض  حالت میں دیکھ کر لڑکی کے گھر والوں نے دونوں کو قتل کر دیا۔  جس کے بعد لواحقین نے دونوں کی لاشوں کو ٹھکانے لگانے کے لیے نیا طریقہ اپنایا۔  بیٹی کی لاش کو زمین میں گاڑ دیا گیا، نوجوان کی لاش گنے کے کھیت میں پھینک دی گئی۔  نوجوان کی لاش گنے کے کھیت سے ملنے کے بعد(غیرت کے نام پر قتل) آنر کلنگ کا شبہ ظاہر کیا جا رہا ہے کیونکہ لڑکی کی بھی اسی رات موت ہو گئی تھی۔  گاؤں والوں نے پولیس کو قتل کی اطلاع دی۔  موقع پر پہنچی پولیس نے دونوں کی لاشوں کو پوسٹ مارٹم کے لیے بھیج دیا ہے۔

معلومات کے مطابق یہ معاملہ شہر کے رودھولی تھانہ علاقہ کا ہے۔ اس قتل کا خلاصہ اس وقت ہوا جب پارس ناتھ چودھری نامی کسان اپنے گنے کے کھیت میں کام کرنے گیا تھا۔  گنے کے کھیت میں پہنچ کر اسے ایک 18 سالہ نوجوان انکیت کی لاش مشکوک حالت میں دیکھی۔  جس کے بعد پولیس کو اطلاع دی گئی۔  اطلاع پر پہنچے انچارج انسپکٹر رام کرشن مشرا نے موقع پر پہنچ کر جانچ شروع کی۔  نوجوان کی جینز پینٹ کھلی ہوئی تھی، یہی نہیں بلکہ پیر تک کھسکا ہوا تھا۔  اس نے سبز رنگ کی شرٹ پہن رکھی تھی اور اس کا بٹن بھی کھلا ہوا تھا۔  متوفی نوجوان کے جسم پر خراشیں اور چوٹوں کے نشانات پائے گئے۔

 پولیس جب پوچھ تاچھ کے لیے نوجوان کے گھر پہنچی تو لڑکے کے والد نے بتایا کہ ان کا بیٹا گاؤں میں ارشاد کے گھر ٹریکٹر چلاتا تھا۔  وہ باقاعدگی سے ارشاد کے گھر جایا کرتا تھا۔  وہ رات کو بھی گھر سے نکلا تھا اور اس کے بعد واپس نہیں آیا۔  اس کا فون بھی بند تھا۔  پولیس نے نوجوان کی نعش برآمد کی اور ارشاد کے گھر گئے تو معلوم ہوا کہ اس کی لڑکی بھی گزشتہ رات فوت ہو گئی تھی۔  جسے لواحقین نے سپرد خاک کر دیا ہے۔  پولیس نے لڑکی کے گھر والوں سے پوچھ تاچھ کی۔  جس کے بعد بچی کی لاش کو نکال کر کاروائی شروع کر دی گئی ہے۔  پولیس نے دونوں کی لاشوں کو پوسٹ مارٹم کے لیے بھیج دیا ہے۔  اس معاملے میں اے ایس پی دیپندر چودھری کا کہنا ہے کہ اطلاع کے بعد گاؤں میں بڑی تعداد میں پولیس فورس تعینات ہے۔  معاملے کی جانچ کی جا رہی ہے تاکہ جلد از جلد قتل کیس کا پردہ فاش ہو سکے۔