مہاراشٹر میں ادئے پور جیسا معاملہ، امراوتی میں   کیمسٹ کا گلا کاٹ کر کیا گیا قتل؛  6 ملزمان گرفتار

  امراوتی :مہاراشٹر کے امراوتی میں 54 سالہ کیمسٹ امیش کولہے کو چاقو مار کر قتل کر دیا گیا۔  اس معاملے میں کاروائی کرتے ہوئے پولیس نے 6 ملزمان کو گرفتار کیا ہے۔  راجستھان کے ادئے پور کے درزی کنہیا لال کی طرح کیمسٹ امیش کولہے نے بھی نپور شرما کی حمایت کی تھی۔

 بتادیں کہ امیش کولہے قتل کیس کی تحقیقات کے لیے این آئی اے اور اے ٹی ایس کی دو ٹیمیں امراوتی پہنچی ہیں۔  امیش قتل کیس میں اب تک 6 ملزمان کو گرفتار کیا جا چکا ہے۔  قتل کا ماسٹر مائنڈ تادم تحریر فرار ہے، پولیس اور بھی ملزمین کو گرفتار کرے گی۔