کیا شام تک گر جائے گی مہا وکاس اگھاڑی حکومت؟  ادھو ٹھاکرے پوار سے ملاقات کے بعد  دے سکتے ہیں استعفیٰ ۔

 مہاراشٹر کی سیاست: مہاراشٹر میں سیاسی بحران گہرا ہوتا جا رہا ہے۔  شیوسینا کے رکن پارلیمنٹ سنجے راؤت نے کہا ہے کہ مہاراشٹر اسمبلی تحلیل ہو سکتی ہے۔  دوسری جانب وزیراعلی ادھو ٹھاکرے کے بیٹے آدتیہ ٹھاکرے نے اپنے ٹوئیٹر بائیو سے وزیر کا عہدہ ہٹا دیا ہے۔  دریں اثناء، خبریں آرہی ہیں کہ آج شام 5 بجے ادھو ٹھاکرے شیوسینا کے باقی بچے ممبران اسمبلی اور ممبران پارلیمنٹ کے ساتھ میٹنگ کریں گے، جس کے بعد وہ وزیر اعلیٰ کے عہدے سے استعفیٰ دینے کی پیشکش کر سکتے ہیں۔

 اس کے بعد ادھو ٹھاکرے این سی پی سربراہ شرد پوار سے بھی ملاقات کریں گے۔  اگر رپورٹوں پر یقین کیا جائے تو ادھو سب سے پہلے اپنے باقی ایم ایل اے اور ایم پی سے ملیں گے اور انہیں اپنا مؤقف بتائیں گے۔  ادھو کانگریس پارٹی لیڈر بالاصاحب تھورات سے بھی بات کریں گے اور صورتحال کو واضح کریں گے۔  کانگریس ذرائع بتا رہے ہیں کہ حکومت اقلیت میں آگئی ہے اور کانگریس کو اس کا علم ہے۔