شادی کے 10 ماہ بعد پتہ چلی شوہر کی 'شاکنگ اصلیت'.
ڈیٹنگ ایپ پر لڑکی سے دوستی کر کے شادی کرنے والا مرد نہیں عورت تھی. 15 لاکھ کا چونا لگاکر فرار
انڈونیشیا سے ایک حیران کن معاملہ سامنے آیا ہے۔ یہاں ایک خاتون نے دھوکہ دہی سے نوجوان لڑکی سے شادی کر لی۔ چونکا دینے والی بات یہ ہے کہ لڑکی کو دس ماہ تک پتہ ہی نہیں چل سکا کہ اس کا شوہر مرد نہیں بلکہ ایک عورت ہے۔ اس دوران خاتون نے لڑکی سے تقریباً 15 لاکھ روپے بھی ٹھگ لئے۔
میڈیا رپورٹس کے مطابق خاتون بہت ہوشیار تھیں۔ شادی کے بعد جب لڑکی نے خاتون یعنی اپنے شوہر سے جنسی تعلق قائم کرنے کا کہا تو وہ کوئی نہ کوئی بہانہ بنا کر ٹالتی رہی۔ لیکن جب معاملہ ہاتھ سے نکلنے لگا اور لڑکی نے احتجاج کرنا شروع کر دیا تو خاتون نے اسے جھانسہ دینے کی نئی چال نکال لی۔ خاتون جنسی تعلقات کے دوران لڑکی کی آنکھوں پر پٹی باندھ دیتی تھی جس کی وجہ سے اسے خبر نہیں ہوتی تھی۔
خاتون کا راز کھلنے تک وہ لڑکی سے 15 لاکھ روپے کا چونا لگاکر فرار ہو گئی۔ لڑکی نے شاطر خاتون کے خلاف مقدمہ درج کرادیا ہے۔ بتایا جا رہا ہے کہ لڑکی اور خاتون کی ملاقات ایک ڈیٹنگ ایپ کے ذریعے ہوئی تھی۔ یہ معاملہ تقریباً ایک سال پہلے شروع ہوا تھا۔ انڈونیشیا میں رہنے والی اس لڑکی کا نام ایریانی ہے۔ وہ ڈیٹنگ ایپ کے ذریعے شادی کے لیے ساتھی یعنی شوہر کی تلاش میں تھی۔
ڈیٹنگ ایپ پر تلاش کے دوران اس کی ملاقات ایک ایسے شخص سے ہوئی جو دراصل ایک عورت تھی۔ یہی نہیں بلکہ عورت کی شکل و صورت اور حرکات و سکنات بھی مردوں سے کافی مشابہت رکھتے تھے۔ ایریانی کو وہم ہو گیا کہ وہ مرد ہے اور عورت سے شادی کر لی۔ تاہم، ایریانی کے والدین کو شروع سے ہی شک تھا کہ کچھ گڑبڑ ہے۔ چنانچہ عورت ایریانی کے ساتھ دوسرے گھر میں شفٹ ہوگئی۔ لیکن وہ وہاں زیادہ دیر تک دھوکہ نہ دے سکی اور ایک دن فرار ہو گئی۔ لیکن بھاگنے سے پہلے اس نے 15 لاکھ روپے کا لمبا ہاتھ مار لیا۔
کوئی تبصرے نہیں:
ایک تبصرہ شائع کریں