پوار کو ہندو لفظ سے الرجی، شیواجی کا نام کبھی نہیں لیا، لاؤڈ اسپیکر سماجی مسئلہ ہے مذہبی نہیں... اورنگ آباد میں جم کر گرجے راج ٹھاکرے
اورنگ آباد: مہاراشٹر نو نرمان سینا کے صدر راج ٹھاکرے نے اورنگ آباد میں جلسۂ عام سے خطاب کرتے ہوئے کہا ہے کہ لاؤڈ اسپیکر مذہبی نہیں بلکہ سماجی مسئلہ ہے۔ اس دوران راج نے این سی پی سربراہ شرد پوار پر جم کر حملہ کیا۔ راج نے کہا کہ پوار کو لفظ ہندو سے الرجی ہے۔ وہ ملحد ہیں۔ ایم این ایس سربراہ نے کہا کہ پوار نے کبھی شیواجی مہاراج کا نام نہیں لیا۔
شرد پوار کو نشانہ بناتے ہوئے راج ٹھاکرے نے کہا، 'شرد پوار نے کبھی چھترپتی شیواجی مہاراج کا نام نہیں لیا۔ اگر آپ چاہیں تو تمام ویڈیوز نکال کر دیکھیں۔ ابھی ابھی نام لینے لگے ہیں ۔ شرد پوار ملحد ہیں۔ ان کی بیٹی سپریا سولے نے لوک سبھا میں کہا ہے کہ وہ ملحد(ناستک) ہیں۔ مہاراشٹر میں جو زہر گھولا گیا وہ ٹھیک نہیں ہے۔ این سی پی کے قیام کے بعد سے ذات پات کا زہر گھولا گیا ہے ۔ بابا صاحب پورندرے کو پریشان کیا گیا۔ انہیں اس لئے پریشان کیا گیا کیونکہ وہ برہمن تھے ۔ لوک مانیہ تلک کو برہمن کرکے دیکھیں گے، کیا انہوں نے جو پہلے اخبار نکالا اس کا نام مراٹھا تھا۔ شرد پوار کو جو پسند آتا ہیں وہی پڑھتے ہیں، پوری کتاب پڑھو، پوار جی۔
راج ٹھاکرے نے لاؤڈ اسپیکر کے معاملے پر ریلی میں کہا، 'اب میں لاؤڈ اسپیکر پر بولوں گا۔ شرد پوار کو لفظ ہندو سے الرجی ہے۔ پوار صاحب، سمجھ لیجئے کہ میں ذات پات کو نہیں مانتا۔ شیواجی مہاراج نے ہمیں سکھایا ہے۔ ذات پات سے اوپر اٹھ کر ہم کب مراٹھی بنیں گے، کب ہندو بنیں گے۔ اچانک کسی نے لاؤڈ سپیکر سے پوچھا، میں نے کہا اچانک نہیں۔ میں نے اسے صرف یہ اختیار دیا ہے کہ اگر لاؤڈ اسپیکر نہیں ہٹایا گیا تو ہم ہنومان چالیسہ پڑھیں گے۔ ہمیں مہاراشٹر میں کوئی فساد نہیں کروانا . ناسک کے ایک صحافی نے مجھے بتایا کہ لاؤڈ اسپیکر پر اذان دینے سے میرے بچے کو پریشانی ہوتی ہے۔ یہ ایک سماجی مسئلہ ہے، مذہبی نہیں۔
کوئی تبصرے نہیں:
ایک تبصرہ شائع کریں