دھرن گاؤں پولس نے بال ویواہ کے الزام میں 9 افراد پر مقدمہ درج کیا 

 دھرن گاوں ضلع  جلگاؤں شہر میں 14 سالہ لڑکی کی بچپن کی شادی کا ایک چونکا دینے والا معاملہ سامنے آیا ہے۔دلہا، اس کے والدین،  ساس سسر اور دیگر نو افراد کے خلاف دھرن گاؤں پولس میں چائلڈ میریج پریونشن ایکٹ کے تحت مقدمہ درج کیا گیا ہے۔

 اس سلسلے میں ایک 14 سالہ لڑکی نے شکایت درج کرائی ہے ۔  یہ جاننے کے باوجود کہ لڑکی نابالغ ہے، اس کے رشتہ داروں نے اس کی شادی راہل راجو ڈھلوالے (ساکن شیٹ پورہ، چوپڑہ) سے کرادی۔  لڑکی کی ماں، باپ، چچا اور خالہ کے ساتھ ساتھ  راجو رام داس ڈھلوالے (سسر)، جنابائی ڈھلوالے (ساس)، سنیل ڈھلوالے (جیٹھ)، ارجن ڈھلوالے (جیٹھ) کے خلاف شکایت درج کرائی گئی تھی۔ (تمام افراد شیٹ پورہ چوپڑہ کے ساکن  ہیں )

 اس کے بعد دفاعی افسر چندر شیکھر رویندر سپکالے کی رپورٹ پر مذکورہ نو افراد کے خلاف مقدمہ درج کیا گیا ہے۔  مزید تفتیش انسپکٹر راہول کھتال کی رہنمائی میں اسسٹنٹ فوجدار یوگیش جوشی کررہے ہیں۔  یہ شادی جنوری 2022 میں ہوئی تھی۔