پھیلائے جانے والے کچھ مشہور جھوٹ

 

سمیع اللہ خان کے متعلق پھیلائے جانے والے کچھ مشہور جھوٹ

محترم سمیع اللہ خان کا نام اب محتاج تعارف نہیں رہا ہے وہ اسلام پسند نوجوانوں میں بے حد مقبول ہیں اور موجودہ وقت کے بہت زیادہ پڑھے جانے والے اردو اہلِ قلم میں سے ایک ہیں ہاں  کبھی کبھی وہ ظالموں کے خلاف بہت زیادہ غصہ ہوجاتے ہیں اور سنگھی مظالم پر غیر حکمتی ردعمل کا مظاہرہ بھی کرتے ہیں جس سے ان کی اپنی جان کو خطرہ ہو سکتا ہے لیکن ان کے قلم کی تاثیر اور انقلابی انداز سے انکار نہیں کبھی جو باتیں وہ ہندوستانی عدالتوں اور اسلامی نظام خلافت کے بارے میں وہ لکھ دیتے ہیں وہ باتیں ہم لوگ صرف اپنے بند کمروں میں ہی کر پاتے ہیں ان کی جرات و شجاعت ملی حمیت ناموس رسالت کے تئیں ان کی حساسیت اور باطل سے بے خوفی کے ہم قائل بھی ہیں اور قدردان بھی البتہ ہماری خواہش ہے کہ یہ قیمتی سرمایہ امت میں دیرپا رہے اور اس کے لیے ان کے اندر حکمت کے جواہر بھی ضروری ہیں 

ہمیں یہاں اس جانب توجہ دلانی ہے کہ

*جب جب خان صاحب جمعیۃ والو کی کسی غلطی پر حقیقت کا آئینہ دکھاتے تنقید کرتے ہیں تب کچھ لوگ یہ بہانہ بنانے لگتے ہیں کہ* سمیع اللہ خان نے ایسے ہی مولانا سلمان ندوی کے خلاف تنقید کیوں نہیں کی تھی 

یہ سب سے پہلے تو ایسا کہنے والے کی جہالت ہوتی ہے جو اس کا متعصب دماغ اس سے کہلواتا ہے کیونکہ ہم لوگوں کو اچھے سے یاد ہے کہ مشاجرات صحابہ کے معاملے میں خان صاحب نے ایک نہیں تین تین مضامین سلمان ندوی کے خلاف لکھے تھے اور بہت ہی مدلل رد کیا تھا سلمان ندوی کا. یہ تو سچائی ہوئی اس الزام کی. اور اگر اصولی بات کی جائے تو اس کے مطابق یہ کوئي ضروری ہے ہی نہیں کہ جب کسی غلط یا ناجائز پر کوئی گفتگو کی جاے تو اس کے جواب میں یہ سوال ہو کہ فلاں چیز بھی تو غلط ہے ۔ جیسے آج ہمارے ملک کے عظیم مدنی خانوادے کے باوقار بزرگان کی کئی ایک غیر شرعی باتوں پر ایک مخصوص طبقہ اس ردعمل کا مظاہرہ نہیں کر پا رہا ہے جیسا کہ وہ دیگر افراد کے خلاف متحرک ہوتے ہیں ۔

 بعض لوگ کہتے ہیں کہ سلمان ندوی سمیع اللہ خان کے استاد ہیں جبکہ یہ بھی غلط ہے ہماری معلومات کی حد تک ندوی صاحب خان صاحب کے باقاعدہ استاد نہیں ہیں 

 *کچھ لوگ یہ پروپیگنڈہ کرتے ہیں کہ سمیع اللہ خان لکھنے کے علاوه کیا کرتے ہیں?* سب سے پہلے تو یہ سوال ہی غلط ہے کیوں کہ ایک صاحب فکر علمی  شخصیت اور صحافی لکھنے کے علاوہ کیا کرے گا? ان کے قلم سے بڑے پیمانے پر لوگوں میں بیداری پیدا ہو رہی لوگ باشعور ہو رہے ان کا قلم سنگھی صہیونی ظالموں کے ایجنڈے اور پروپیگنڈے بے نقاب کرتا ہے یہ کیا کوئ چھوٹا کام ہے? 

 اس کے باوجود وہ میدان صحافت میں قلمی جہادی کاوشوں کے علاوہ زمینی سطح پر بھی بہت کچھ کر رہے ہیں جو سب کو معلوم ہے لیکن پھر بھی جھوٹا پروپیگنڈہ کرتے ہیں خان صاحب کئی مظاہروں احتجاجی کوششوں کو منعقد کرا چکے ہیں مولانا کلیم صدیقی کی گرفتاری کے خلاف انہوں نے جو احتجاج کیا تھا اس کی وجہ سے آج بھی ان پر مقدمہ چل رہا ہے۔

اصل میں متشدد مناظروں کا ٹولہ جو ان کے خلاف پروپیگنڈے پھیلاتا ہے جیسا کہ ماضی میں بھی اس ٹولے نے اسلام کی فکری شخصیات کے خلاف پروپیگنڈے کیے تھے اس کی بنیادی وجہ یہ ہے کہ سمیع اللہ خان نے کئی سالوں سے مسلکی انتشار اور مسلمانوں میں گروہی عصبیت کو ہوا دینے والو کے خلاف ماحول سازی کی ہے اور آج بھی کرتے ہیں 

تعصب کے غلبے اور حسد کی کارفرمائی سے برآمد ہونے والی ایسی غلیظ حرکتیں کرنے والے کبھی ایسا کیوں نہیں سوچتے کہ ملت اور اس کی اہم شخصیات کے متعلق جھوٹ بول کر گمراہی پھیلانا بھی کتنا بڑا گناہ ہے مشاہدے میں یہ بات بھی آئی ہے کہ سمیع اللہ خان کے تئیں اس طرح کے جھوٹ حسد کی کارفرمائی میں بھی عام کیے جا رہے ہیں 

اللہ حفاظت فرمائے اور اس امت پر رحم فرمائے کہ جس وقت امت پر شدید حالات ہیں اور اکثر لوگ اپنی ذمہ داریاں ادا نہیں کر رہے ہیں ایسے وقت میں اگر ایک نوجوان اپنے قلم و عمل کے ذریعے باطل دشمنوں سے نبردآزما ہے تو بجائے اس کی قدر کرنے کی اس کے خلاف جھوٹ پھیلا رہے ہیں تعصب و حسد کا مظاہرہ کر رہے ہیں. واقعی زوال پذیر قوموں کا یہی حال ہوتا ہے

اللھم ارحم امة محمد

بقلم۔: توقیر احمد قاسمی