بی جے پی نے سیاست کو جرائم کی آمیزش سے پاک کیا : شاہ

جونپور,05مار چ : وفاقی وزیر داخلہ امت شاہ نے ہفتہ کو کہا کہ بھارتیہ جنتا پارٹی(بی جے پی) نے اپنے سابقہ پانچ سالہ میعاد کار میں یوپی کی سیاست سے مجرمین کا خاطمہ کیا اور سیاست کو جرائم کی آمیزش سے پاک کیا ہے۔

انتخابی مہم کے آخری دن ایک انتخابی ریلی سے خطاب کرتے ہوئے شاہ نے کہا’ گذشتہ پانچ سالوں میں بی جے پی نے سیاست سے مجرمین کو بے دخل کیا اور سیاست کو جرائم کی آمیزش سے پاک کیا ہے۔سابقہ کے موازنے میں یوپی میں کرائم میں بتدریج کمی درج کی گئی ہے۔ہم نے کرائم سے پاک یو پی بنانے کے سفر کا آغاز کیا ہے۔

انہوں نے کہا سماج وادی پارٹی(ایس پی)ریاست میں نظم ونسق کی بہتری کے لئے کئے گئے اقدامات کے بارے میں پوچھتے ہیں۔’اکھلیش کوئی چیز نہیں دیکھ سکتے کیونکہ وہ کالا عینک پہنتے ہیں۔جس کی آنکھوں کالا چشمہ ہو اسے ہر چیز سیاہ ہی نظر آتی ہے۔یوگی آدتیہ ناتھ نے ریاست میں کرائم کو کم کیا ہے۔ڈاکہ زنی کے واقعات میں 72فیصدی، لوٹ کی واردات میں 62فیصدی، قتل کے واقعات میں 31فیصدی ، اغوا میں 29فیصدی اور ریپ کے واقعات میں 50فیصدی کی کمی آئی ہے۔

شاہ نے کہا’یوگی آدتیہ ناتھ نے مافیاؤں کے قبضے سے 2000کروڑ روپئے مالیت کی زمین آزاد کرائی ہے اور وزیر اعظم نریندر مودی ان زمینوں پر غریبوں کے لئے مکان بنا رہے ہیں۔دین دیال اپادھیائے کے اصولوں پر عمل کرتے ہوئے بی جے پی غریبوں کی فلاح کے راستے پر گامزن ہے۔

وفاقی وزیر نے کہا کہ اکھلیش کی طرح افراد کو عوام کی زندگی سے کوئی ناطہ نہیں ہے۔بوا(مایاوتی) اور ببوا(اکھلیش) نے یوپی پر 20سالوں تک حکمرانی کیا ہے لیکن انہیں عوام کی بیت الخلاء اور مکانات سے کوئی واسطہ نہیں تھا۔صرف مودی اور یوگی حکومت نے غریبوں کی فکر کیا اور آج غریبوں کو پاس اپنا مکان ہے اور خواتین کو قضائے حاجت کے لئے باہر نہیں نکلنا پڑتا۔