پیٹرول اور ڈیزل کی قیمتیں 126 ویں دن بھی مستحکم
نئی دہلی، 10 مارچ : روس-یوکرین بحران کی وجہ سے بین الاقوامی سطح پر خام تیل کی قیمتوں میں مسلسل اتار چڑھاؤ کے باوجود پٹرول اور ڈیزل کی قیمتیں آج مسلسل 126ویں دن گھریلو سطح پر مستحکم رہیں۔ خام تیل کی قیمتوں میں اضافہ روس یوکرائن کے بحران کے بعد ہی شروع ہوا تھا۔
بین الاقوامی مارکیٹ میں خام تیل کی قیمت 114.36 ڈالر فی بیرل ہوئی جو بدھ کو 131.27 ڈالر فی بیرل تھی۔
ایندھن کی قیمتوں میں 4 نومبر 2021 کو تیزی سے کمی آئی جب مرکزی حکومت نے پٹرول اور ڈیزل پر ایکسائز ڈیوٹی میں بالترتیب 5 روپے اور 10 روپے کی کمی کا اعلان کیا۔ اس کے بعد ریاستی حکومت کے ویلیو ایڈڈ ٹیکس(ویٹ)کو کم کرنے کے فیصلے کے بعد دارالحکومت دہلی میں بھی ویٹ کو کم کرنے کا فیصلہ کیا گیا۔ اس کے بعد دارالحکومت میں 2 دسمبر 2021 کو پیٹرول تقریباً آٹھ روپے سستا ہو گیا۔ تاہم ڈیزل کی قیمتوں میں کوئی تبدیلی نہیں ہوئی۔زیادہ تر ریاستی حکومتوں اور مرکز کے زیر انتظام علاقوں نے بھی پیٹرول اور ڈیزل پر ویلیو ایڈڈ ٹیکس(ویٹ)کو کم کر دیا تھا جب مرکز نے ایکسائز ڈیوٹی میں کمی کی تھی، جس سے عام آدمی کو بڑی راحت ملی تھی۔
بین الاقوامی سطح پر، نیویارک میں برینٹ کروڈ کی قیمت 2.90 فیصد اضافے کے ساتھ 114.36 ڈالر فی بیرل پر رہی، جبکہ امریکی خام تیل 1.66 فیصد اضافے کے ساتھ 110.50 ڈالر فی بیرل پر پہنچ گیا۔پیٹرول اور ڈیزل کی قیمتوں کا روزانہ جائزہ لیا جاتا ہے اور اس کی بنیاد پر نئی قیمتیں روزانہ صبح 6 بجے سے لاگو ہوتی ہیں۔
کوئی تبصرے نہیں:
ایک تبصرہ شائع کریں