سروانند گھاٹ پربھوک ہڑتال پر بیٹھا یتی نرسمہانند گرفتار
ہفتہ کی رات پولیس نے جونا اکھاڑہ کے مہامنڈلیشور یتی نرسمہانند کو گرفتار کرلیا ہے ، جس پر خاص کمیونٹی کی خواتین کے خلاف نازیبا زبان استعمال کا الزام ہے. یتی نرسہمانند, جیتیندر تیاگی کی گرفتاری کے خلاف سروانند گھاٹ پر بھوک ہڑتال پر بیٹھا تھا ۔
شہر کوتوالی علاقے کے نرنجنی اکھاڑہ مایا پور روڈ کی رہنے والی قانون کی طالبہ روچیکا نے یتی کے خلاف مقدمہ درج کرایا تھا۔ الزام ہے کہ غازی آباد کے ڈاسنا میں دیوی مندر کے مہنت یتی نے ایک خاص برادری کی خواتین کے خلاف نازیبا تبصرہ کیا تھا۔ جس کے بعد ہفتہ کی رات پولس نے یتی نرسمہانند کو سروانند گھاٹ سے گرفتار کر لیا۔ ایس ایس پی ڈاکٹر یوگیندر سنگھ راوت نے کہا کہ انہیں یتی نرسمہانند کے خلاف درج تیسرے معاملے میں گرفتار کیا گیا ہے۔
کوئی تبصرے نہیں:
ایک تبصرہ شائع کریں