وزیراعظم کی سیکیوریٹی میں چوک کے لئے ملک سے معافی مانگے کانگریس کے سرکردہ رہنما : شاہ
نئی دہلی،5 جنوری : مرکزی وزیر داخلہ امیت شاہ نے وزیراعظم نریندرمودی کے پنجاب دورے کے دوران سیکیوریٹی میں کوتاہی کے لئے کانگریس کو ذمہ دارٹھہراتے ہوئے اس کے سرکردہ قیادت سے ملک سے معافی مانگنے کو کہا ہے۔
وزیراعظم نریندر مودی بدھ کو پنجاب کے فیروزپور ضلع میں ترقیاتی پروجیکٹوں کا سنگ بنیاد رکھنے کے لئے جارہے تھے لیکن راستے میں لوگوں کے ذریعہ احتجاجی مظاہرے اور سڑک جام کرنے کی وجہ سے انہیں اپنا پروگرام منسوخ کرکے واپس لوٹنا پڑا۔
مسٹر شاہ نے وزیراعظم کے دورے کے دوران سیکیوریٹی میں اس چوک کو سنجیدگی سے لیتے ہوئے سلسلے وار ٹوئیٹ کرکے اس کے لئے کانگریس کی سخت تنقید کی ہے۔
انہوں نے کہا،’’آج پنجاب میں جو ہوا وہ اس بات کا ٹریلیر ہے کہ کانگریس پارٹی کیسے سوچتی اور کام کرتی ہے۔ لوگوں کے ذریعہ باربار نکارے جانے کی وجہ سے یہ پاگل پن کے راستے پر ہے۔ کانگریس کے سرکردہ رہنماؤں کو آج جو کچھ ہوا اس کےلئے ملک سے معافی مانگنی چاہئے۔‘‘
ایک دیگر ٹوئیٹ میں انہوں نے کہا،’’وزارت داخلہ نے پنجاب میں آج ہوئی سیکیوریٹی چوک کے بارے میں تفصیل سے رپورٹ مانگی ہے۔وزیراعظم کے دورے کے دوران سیکیوریٹی کے عمل میں اس طرح کی لاپرواہی پوری طرح ناقابل برداشت ہے اور اس معاملے میں جواب دہی طے کی جائے گی۔
کوئی تبصرے نہیں:
ایک تبصرہ شائع کریں