وزیراعظم کی سیکیوریٹی میں چوک کی بات ہتھکنڈہ ہے:کانگریس

نئی دہلی،5 جنوری : کانگریس نے کہا ہے کہ پنجاب میں وزیراعظم نریندر مودی کی سیکیوریٹی میں چوک کا بہانا کرکے بھارتیہ جنتاپارٹی کی قیادت والی حکومت ہتھکنڈہ اپنا رہی ہے اور ریلی میں بھیڑ جمع نہ کرپانے کا خمیازہ سیکیوریٹی میں چوک کے بہانے ریاستی حکومت کے سر پر رکھا جارہا ہے۔

کانگریس محکمۂ مواصلات کے سربراہ رندیپ سنگھ سرجےوالا نے بدھ کی دیر شام یہاں خصوصی پریس کانفرنس میں کہا کہ وزیراعظم نے آخری وقت میں اپنے روٹ کا فیصلہ بدلا ہے۔ ان کی سیکیوریٹی کے لئے ریاستی حکومت نے دس ہزار پولیس اہلکار لگائے تھے لیکن انہوں نے آخری وقت میں فیصلہ بدل دیا جس کی وجہ سے کچھ مظاہرین ان کے روٹ میں آگئے۔

انہوں نے کہ مظاہرین کو 15 منٹ کے اندر وہاں سے ہٹا دیا گیا تھا اور ریاستی حکومت کی طرف سے وزیراعظم کی سیکیوریٹی میں کوئی کوتاہی نہیں برتی گئی۔ ان کا الزام تھا کہ سیکیوریٹی کا بہانا کر کے بھارتیہ جنتا پارتی اور مرکزی مین اس کی حکومت ہتھکنڈہ اپنا رہی ہے اور وزیراعظم کی سکیورٹی میں چوک بتاکر اپنی ناکامی کو چھارہی ہے ۔

ترجمان نے کہا کہ وزیراعظم کو پہلے ہیلی کاپٹر سے آنا تھا پھر سڑک کے راستے سے ریلی کے مقام تک جانا تھا لیکن کسان بی جے پی سے ناراض ہیں اس لئے ریلی میں کوئی کسان نہیں آئے اور بھیڑ جمع نہیں ہوسکی اس سے مایوس ہوکر وزیراعظم کو ریلی منسوخ کرنی پڑی لیکن خمیازہ سیکیوریٹی کے نام پر پنجاب حکومت کے گلے میں ڈالا جارہا ہے۔

واضح رہے کہ پنجاب میں آج وزیراعظم کی ریلی تھی اور ان کے روٹ میں اچانک کچھ کسان آگئے جنہوں نے نعرے بازی کی اور روٹ میں رخنہ ڈالا۔ جلد بازی میں وزیراعظم کے سیکیوریٹی اہلکاروں نے محاذ سنبھالا اور 15 منٹ میں روٹ کو منظم کردیا۔