ہری دوار پولس نے جتیندر نارائن تیاگی کو کیا گرفتار 

  

 ہری دوار کے کوتوالی پولیس اسٹیشن میں سوامی یتی نرسمہانند اور  جتیندر تیاگی کو پولیس نے حراست میں لے لیا ہے۔  تفصیلات  کے مطابق یہ کاروائی ہری دوار میں دھرم سنسد کے دوران نفرت انگیز تقریر کے معاملے میں کی گئی ہے۔  دراصل، یہ الزام ہے کہ ہری دوار میں منعقد دھرم سنسد میں ایک خاص مذہب کے خلاف قابل اعتراض تبصرہ کیا گیا تھا۔  اس کو لے کر کافی تنازعہ ہوا ہے۔

 اس معاملے میں تفصیلات فراہم کرتے ہوئے ایس پی سٹی سوتنتر کمار سنگھ، ہری دوار نے بتایا کہ  جتیندر نارائن تیاگی کو نرسن بارڈر سے گرفتار کیا گیا ہے۔

 حال ہی میں اتراکھنڈ پولیس نے ٹوئیٹ کیا کہ سوشل میڈیا پر ایک خاص مذہب کے خلاف اشتعال انگیز تقریر کرکے نفرت پھیلانے کے وائرل ویڈیو کا نوٹس لیتے ہوئے کوتوالی ہری دوار میں  جتیندر نارائن تیاگی اور دیگر کے خلاف آئی پی سی کی دفعہ 153A کے تحت مقدمہ درج کیا گیا ہے۔