ثانیہ مرزا نے کیا ریٹائرمنٹ کا اعلان
پاکستان کرکٹ ٹیم کے آل راؤنڈر شعیب ملک کی اہلیہ اور ہندوستان کی ٹینس سپر اسٹار ثانیہ مرزا نے کھیل سے ریٹائرمنٹ کا اعلان کر دیا ہے وہ 2022 کے بعد اس کھیل کو الوداع کہہ دیں گی۔ میلبورن میں خواتین کے ڈبلز کے پہلے راؤنڈ کا میچ ہارنے کے بعد ثانیہ مرزا نے کہا، “میں نے فیصلہ کیا ہے کہ یہ میرا آخری سیزن ہوگا۔ میں ایک ایک ہفتے کھیل رہی ہوں، پتہ نہیں ہے کہ میں پورے سیزن تک کھیل سکوں گی۔ لیکن میں چاہتی ہوں کہ پورے سیزن تک رہوں۔
ثانیہ مرزا اور یوکرین کی ان کی جوڑی دار نادیہ کچنوک کو آسٹریلین اوپن ویمنز ڈبلز کے پہلے راؤنڈ میں شکست کا سامنا کرنا پڑا.جس کے بعد ثانیہ نے ریٹائرمنٹ کا اعلان کرتے ہوئےکہا کہ یہ آب ان کا آخری ٹینس سیزن ہوگا۔
ثانیہ مرزا کا کہنا تھا کہ ریٹائرمنٹ کی کئی وجوہات ہیں لیکن سادہ سی بات یہ ہے میں نہیں کھیلوں گی، میری ریکوری طویل ہو رہی ہے اب مجھے 3 سال کے بیٹےکا بھی سوچنا ہے، بیٹے کے ساتھ زیادہ سفر کرکے اسے بھی خطرے میں نہیں ڈال سکتی۔
35 سالہ ٹینس اسٹار کا کہنا تھا کہ میرے گھٹنے مجھے تکلیف دے رہے ہیں،جسم ساتھ نہیں دے رہا، میں ہارنےکی کوئی وجہ نہیں بتا رہی، حقیقت یہ ہے جوں جوں میں بڑی ہو رہی ہوں،ریکوری وقت لے رہی ہے۔
کوئی تبصرے نہیں:
ایک تبصرہ شائع کریں