جامعہ ہمدرد صرف تعلیمی شعبہ میں ہی نہیں سماجی شعبے میں بھی خدمات انجام دے رہی ہے۔ پروفیسر افشار عالم

 نئی دہلی،20 دسمبر : جامعہ ہمدرد کے سماجی خدمات اور معاشرتی سروکار سے آگاہ کرتے ہوئے جامعہ ہمدرد کے وائس چانسلر پروفیسر افشار عالم نے کہا ہے کہ جامعہ ہمدرد صرف تعلیمی خدمات ہی انجام نہیں دے رہی ہے بلکہ تمام شعبے میں بھی سماجی خدمات انجام دے رہی ہےیہ بات انہوں نے 22 دسمبر کوجامعہ ہمدرد میں منعقد ہونے والے روزگار میلہ کے بارے میں منعقدہ پریس کانفرنس سے خطاب کرتے ہوئے کہی انہوں نے کہاکہ ملک کے موجودہ حالات میں صرف تعلیمی خدمات انجام دیکر بری الذمہ نہیں ہوسکتے بلکہ ہمیں سماجی خدمات کے بارے میں بھی یونیورسٹی کو آگے لانا ہوگا۔ اسی سماجی خدمات کے میدان میں پہل کرتے ہوئے جامعہ ہمدرد نے روزگار میلہ منعقد کرنے کا فیصلہ کیا ہے۔ انہوں نے کہاکہ اس روزگار میلے کی خصوصیت یہ ہے کہ اس میں ان تمام نوجوانوں کو بھی موقع ملے گا جو خود سے روزگار تلاش نہیں کرسکتے، یا ان کے والدین اس کے اہل نہیں ہیں۔ ایسے نوجوانوں کی رہنمائی کے لئے رضاکار کی ٹیم موجود رہے گی اور ایسے نوجوانوں کی اسکریننگ کرکے انٹرویو کے لئے بھیجے گی۔

انہوں نے کہاکہ فریشر کے لئے بہت ہی سنہری موقع ہے اور فریشر کو یہیں تقرری نامہ دیا جائے گا اور کمپنیاں اپنے حساب سے انہیں ٹرینڈ کرکے روزگار فراہم کرے گی۔ انہوں نے کہاکہ اس روزگار میلے میں دو ہزار سے زائد نوجوانوں کو نوکری ملنے کا امکان ہے۔ اس روزگار میلہ میں 30سے 40کمپنیاں حصہ لے رہی ہیں۔ جن میں بینکنگ، کثیر الاقوامی کمپنیاں، ہاسپٹل، منیجمنٹ اور دیگر کمپنیاں شامل ہیں۔

پروفیسر افشار عالم نے کہاکہ کودڈ کی وجہ سے نوجوان برے حالات سے گزر رہے ہیں۔ ایسے نوجوانوں کو روزگار دیکر مدد کرنا وقت کی اہم ترین ضرورت ہے۔انہوں نے کہاکہ جامعہ ہمدرد نے ’بھارت ابھیان‘کے تحت کئی گاؤں اور سلم علاقوں کو گود لیا ہے۔ جہاں ہم نے کووڈ کٹ، راشن کٹ، دوائیاں، کمبل اور دوسری ضروریات کا سامان تقسیم کیا ہے۔ انہوں نے کہاکہ سوال یہ ہے کہ تعلیم کو ہر یونیورسٹی دیتی ہے اور ہمدردیونیورسٹی بھی دیتی ہے لیکن یہ سوال یہ ہے کہ ہم سماج کو کیا واپس کر رہے ہیں۔ سماجی خدمات اور روزگار میلہ اسی سلسلے کی کڑی ہے۔ انہوں نے کہاکہ جامعہ ہمدرد کے طلبہ کے لئے روزگار کا کوئی مسئلہ نہیں ہے انہیں کیمپس میں ہی جاب مل جاتا ہے۔ یہ سب ہم باہر کے طلبہ کے لئے کر رہے ہیں۔ انہوں نے کہاکہ بزنس اینڈ ا یمپلائنٹ بیورو (بی ای بی) اور ایسوسی ایشن آف مسلم پرفیشنلز (اے ایم پی)کے تعاون یہ روزگار میلہ منعقد کیا جارہا ہے۔

ایسوسی ایشن آف مسلم پرفیشنلز کے فاروق صدیقی نے روزگار میلے کی تفصیلات سے آگاہ کرتے ہوئے کہاکہ روزگار فراہم کرنے کے میدان میں 14سال سے کام کر رہے ہیں اور اب تک ہزاروں لوگوں کو روزگار فراہم کیا جاچکا ہے۔ انہوں نے اس روزگار میلیکا مقصد بیان کرتے ہوئے کہاکہ ہمارا مقصد ان نوجوانوں کو روزگار فراہم کرنا ہے جو روزگار سے محروم ہیں یا ان کا روزگار کے ذریعہ تک پہنچ نہیں ہے۔ اسکریننگ اور ڈاکومنٹ چیک کرنے کے بعد نوجوانوں کو انٹرویو کے لئے بھیجا جائے گا۔

بزنس اینڈ ا یمپلائنٹ بیوروکے ایگزی کیوٹیو سکریٹری شوکت مفتی نے کہاکہ جامعہ ہمدرد کا تعارف اور خدمات سے آگاہ کرتے ہوئے کہاکہ جب خاندان میں ایک فرد کو روزگار ملتا ہے تو پورے خاندان کی پرورش ہوتی ہے۔ ساتھ ہی انہوں نے وائس چانسلر افشار عالم کی ہمہ جہت شخصیت کا تعارف کراتے ہوئے کہا کہ مسٹر افشار پہلے انٹرنل وائس چانسلر ہیں اور ان کی قیادت یونیورسٹی روزگار پر مبنی پروگرام لانچ کر رہی ہے۔ اس موقع پر اسکول آف نرسنگ کی ڈین پر وفیسر منجو جوگانی نے بھی پریس کانفرنس سے خطاب کیا۔