مہاراشٹر میں اومیکرون کے 8 نئے کیس کی تصدیق، صرف ممبئی میں 7 معاملات 

ممبئی: مہاراشٹر میں، کورونا وائرس کی ایک نئے ویرینٹ  اومیکرون کے معاملات میں بہت تیزی سے بڑھ رہے ہیں ۔  منگل کو  مہاراشٹر  میں    اومیکرون کے 8 نئے کیس سامنے آئے۔  ان میں سے 7 کیس صرف ممبئی میں رپورٹ ہوئے ہیں۔  ان 8 مریضوں میں 3 خواتین اور 5 مرد شامل ہیں جن کی عمریں 24 سے 41 سال کے درمیان ہیں۔  ان میں سے 3 مریضوں میں کوئی علامات نہیں ہیں جبکہ دیگر 5 میں بھی معمولی علامات ہیں۔  ابتدائی معلومات کے مطابق ان میں سے کسی نے بھی کبھی بیرون ملک سفر نہیں کیا۔  ایک شخص بنگلور گیا تھا جبکہ دوسرا دہلی سے واپس آیا ہے۔  ممبئی میں پایا جانے والا مریض راجستھان کا رہنے والا ہے۔  ان 8 مریضوں میں سے دو کو ہسپتال میں داخل کرایا گیا ہے جبکہ باقی 6 گھروں میں آئسولیشن میں ہیں۔  ان کے رابطے میں آنے والوں کا بھی سراغ لگایا گیا ہے۔  ان آٹھ میں سے 7 کو کورونا ویکسین لگ چکے ہیں جبکہ ایک کا ویکسینشن نہیں ہوا ہے ۔

 اس کے ساتھ ہی ریاست میں اومیکرون سے متاثرہ افراد کی تعداد بڑھ کر 28 ہو گئی ہے۔

 ممبئی: 12

 پمپری چنچوڑ - 10

 پونے - 2

 کلیان ڈومبیولی - 1

 ناگپور - 1

 لاتور - 1

 وسئی ویرار - 1

ریاست میں اب تک، 9 اومیکرون متاثرہ افراد کو صحت یاب ہونے کے بعد اسپتال سے چھٹی دے دی گئی ہے جبکہ  19  متاثرین  زیر علاج ہیں۔