بکنگ سائٹ پر فحش اشتہار دیکھ کر شخص نے سنائی کھری کھوٹی، ریلوے کے جواب سے اڑے سب کے ہوش

نئی دہلی: ٹرانسپورٹ کے سب سے زیادہ موثر اور کارگر ذرائع کا نام لیا جائے تو سب سے پہلے ریلوے کا نام آتا ہے۔ ریلوے (Railways News)  پوری دنیا میں نقل و حمل کا دوسرا بڑا ذریعہ ہے۔ ہندوستان کو مسلسل چلانے میں انڈین ریلوے (Indian Railways)  کا بھی بہت بڑا حصہ ہے۔ اس کے علاوہ یہ اپنی کم قیمت اور مسافروں کو بہتر سہولیات دینے کے لیے مشہور ہے۔ ہندوستانی ریلوے کی ٹرینوں میں روزانہ لاکھوں لوگ سفر کرتے ہیں۔ بھارتی ریلوے جہاں شہریوں کی خدمت میں مصروف ہے وہیں کچھ لوگ بھی ہیں جو اس کا مذاق اڑانے میں مصروف ہیں۔

کچھ دن پہلے ایک شخص نے ریلوے کی IRCTC ایپ پر آنے والے اشتہار کا مذاق اڑایا تھا۔ اس شخص نے ٹوئٹر پر آئی آر سی ٹی سی ایپ  (IRCTC APP)  پر آنے والے فحش  اشتہارات  (Vulgar Ads)   کا اسکرین شاٹ پوسٹ کیا تھا۔ اس اسکرین شاٹ کے ساتھ انہوں نے لکھا کہ آئی آر سی ٹی سی ٹکٹ بکنگ کے دوران آنے والے فحش اشتہارات نے کافی پریشان کر رکھا ہے۔

انہوں نے ٹوئٹر پر لکھا کہ اس طرح کے اشتہارات دیکھ کر بہت شرم آتی ہے اور یہ ایک بار نہیں کئی بار آ رہے ہیں۔ اس شخص نے کہا کہ ہندوستانی ریلوے سے درخواست ہے کہ وہ اس معاملے کو دیکھیں اور جلد از جلد اس مسئلے کو حل کرنے کی کوشش کریں۔

اب ریلوے کی جانب سے ٹویٹ کرنے والے شخص کو جواب دیا گیا ہے۔ ریلوے نے ٹویٹر کے یوزر سے درخواست کی کہ وہ اس طرح کے اشتہارات سے بچنے کے لیے ٹکٹ بک کرتے وقت اپنی براؤزر کی ہسٹری اور کوکیز کو صاف کریں۔ ریلوے کے اس جواب کے بعد اب سوشل میڈیا ٹوئٹر یوزر  کے حوالے سے میمز کی بھرمار ہے۔

آئیے آپ کو بتاتے ہیں کہ ٹکٹ بکنگ کے وقت اشتہارات دکھانے کے لیے IRCTC گوگل کے ایڈورٹائزنگ ٹول ADX کا استعمال کرتا ہے۔ یہ ٹول براؤزر میں پہلے سے سرچ کی گئی ہسٹری  کی بنیاد پر صارف کو اشتہار دکھاتا ہے۔